ايماقتار • 30 قازان، 2020

سەمەي تۇرعىندارى تەگىن قۇقىقتىق كەڭەس الدى

27 رەت كورسەتىلدى

29 قازاندا ەلىمىزگە تانىمال ادۆوكات جانە قۇقىق قورعاۋشى، سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ شتاتتان تىس كەڭەسشىسى ايمان ۋماروۆا "Adal kómek" جوباسى شەڭبەرىندە جانە سىبايلاس جەمقورلىققا قارسى قىزمەتتىڭ وكىلى سابيرباەۆ دانيار سەمەي قالاسىنىڭ سەرۆيستىك اكىمدىگىندە ءوڭىر حالقىنىڭ الەۋمەتتىك وسال توپتارى ءۇشىن تەگىن زاڭ كەڭەسىن وتكىزدى، دەپ حابارلايدى Egemen.kz.

ادۆوكات ايمان ۋماروۆامەن كەزدەسۋدە ءوڭىر تۇرعىندارى "حالىق زاڭگەرىنە" ءوز العىستارىن ءبىلدىرىپ، اتالعان جوبانىڭ قاجەتتىلىگى تۋرالى ايتتى. كونسۋلتاتسيالار ونلاين رەجيمىندە دە، وفلاين فورماتتا دا ءوتتى. بارلىق سۇراقتارعا ءتيىستى جاۋاپتار مەن ۇسىنىستار بەرىلدى.

تاجىريبە كورسەتكەندەي، ازاماتتاردىڭ كوپشىلىگى وزدەرىنىڭ قۇقىقتارى بۇزىلعان كەزدە كىممەن بايلانىساتىندىعىن، قاي مەملەكەتتىك ورگاننىڭ قۇزىرەتىنە ونىڭ سۇراقتارى كىرەتىنىن جانە شاعىم بەرۋ ءتارتىبىن بىلمەيدى. بىراق ءوتىنىشتىڭ قارالۋ ناتيجەسى حاتتىڭ دۇرىس دايارلاعانىنا جانە ءتيىستى ورگانعا جولداۋىنا بايلانىستى.

وسىعان بايلانىستى، "ەرىكتىلەر جىلى" اياسىندا سىبايلاس جەمقورلىققا قارسى ءىس-قيمىل اگەنتتىگىندە (سىبايلاس جەمقورلىققا قارسى قىزمەت) "Adal kómek" جوباسى ىسكە قوسىلدى، ونىڭ ماقساتى ازاماتتاردىڭ قۇقىقتىق ساۋاتتىلىعىن ارتتىرۋ، سونداي-اق ومىرلىك ماڭىزدى ماسەلەلەردى شەشۋ ءۇشىن حالىقتىڭ الەۋمەتتىك وسال توپتارىنا قۇقىقتىق كومەك كورسەتۋ بولىپ تابىلادى.

ۆولونتەر رەتىندە اگەنتتىك قىزمەتكەرلەرى، تاجىريبەلى زاڭگەرلەر، ادۆوكاتتار، نوتاريۋستار، سونداي-اق ستۋدەنتتەر، ماگيسترانتتار، دوكتورانتتار، جوو زاڭ فاكۋلتەتتەرىنىڭ وقىتۋشىلارى حالىققا وزدەرىن قىزىقتىراتىن ماسەلەلەر بويىنشا تۇراقتى نەگىزدە تەگىن كەڭەس بەرەدى.

ءىس-شارادا ادۆوكات سونداي-اق قازاقستانداعى اقش ەلشىلىگىنىڭ قولداۋىمەن ەلىمىزدە زاڭگەر ايمان ۋماروۆانىڭ قۇقىقتىق ونلاين-مەكتەبى جۇمىس ىستەيتىنىن، وندا قازاقستاندىقتار ۇزدىك زاڭگەرلەردىڭ تەگىن ونلاين-كونسۋلتاتسيالارىن الا الاتىنىن ايتتى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار