فيسكالدىق باقىلاۋ تەتىگىن قالىپتاستىرۋدىڭ ماقساتى – قوسىمشا قۇن سالىعى نولدىك مولشەرلەمەسىن اۆتوماتتى تۇردە راستاۋ, جاناما سالىقتاردى تولەۋ تۋرالى ءوتىنىشتىڭ ەلەكتروندى فورماتىنا كوشۋ جانە ەاەو ءوزارا ساۋداسىندا تاۋارلاردى وتكىزۋدىڭ اشىقتىعىن قامتاماسىز ەتۋ.
ازىرلەنىپ جاتقان تەتىك ققس-تىڭ نولدىك مولشەرلەمەسىن قولدانۋدى راستاۋ جانە تاۋارلار ەكسپورتى كەزىندە ققس-ىن قايتارۋ ءراسىمىن وڭايلاتۋعا, سونداي-اق ەاەو-قا مۇشە مەملەكەتتەردىڭ سالىق ورگاندارى اراسىندا ءوزارا اقپارات الماسۋ ارقىلى بيزنەسكە اكىمشىلىك جۇكتەمەنى ايتارلىقتاي تومەندەتۋگە ءتيىس.
قازاقستاندىق تاراپ فيسكالدىق باقىلاۋ تەتىگىن ىسكە اسىرۋ ماقساتىندا قازاقستان رەسپۋبليكاسىنداعى تاۋارلارعا ىلەسپە جۇكقۇجاتتاردىڭ ء(تىج) جۇمىس تەتىگىن تانىستىردى. تاراپتار قازاقستاندىق ءتاسىلدى تۇجىرىمدامالىق تۇردە قولدادى.
ەسكە سالا كەتەيىك, 2020 جىلعى 9 قازاندا وتكەن ەۋرازيالىق ۇكىمەتارالىق كەڭەس وتىرىسىندا قازاقستان رەسپۋبليكاسىنىڭ پرەمەر-ءمينيسترى اسقار مامين ەاەو تسيفرلى ينتەگراتسيالىق پلاتفورماسى جانە ەاەو-قا مۇشە مەملەكەتتەردىڭ سالىق جانە كەدەن ورگاندارىنىڭ كەڭەيتىلگەن ەلەكتروندى ءوزارا ءىس-قيمىلى ارقىلى ءوزارا ساۋداداعى سالىقتاردى اكىمشىلەندىرۋدى تسيفرلاندىرۋ ماسەلەسىن پىسىقتاۋدى ۇسىنعان بولاتىن.
