قازاقستان رەسپۋبليكاسى ۇكىمەتىنىڭ قاۋلىسى

2009 جىلعى 31 جەلتوقسان          № 2345              استانا, ۇكىمەت ءۇيى قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ 2010 – 2014 جىلدارعا ارنالعان ستراتەگيالىق جوسپارى تۋرالى “قازاقستان رەسپۋبليكاسىنداعى مەملەكەت­تىك جوسپارلاۋ جۇيەسى تۋرالى” قازاقستان رەس­پۋب­ليكاسى پرەزيدەنتىنىڭ 2009 جىلعى 18 ماۋسىمداعى №827 جارلىعىنا سايكەس قازاق­ستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ 2010 – 2014 جىلدارعا ارنالعان ستراتەگيالىق جوسپارى بەكىتىلسىن. وسى قاۋلى 2010 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. (قازاقستان رەسپۋبليكاسى ۇكىمەتىنىڭ 2009 جىل­عى 31 جەلتوقسانداعى №2345 قاۋلىسىمەن بەكىتىلگەن قا­زاق­ستان رەسپۋبليكاسى تابيعي مونوپوليالاردى رەتتەۋ اگەنت­تىگىنىڭ 2010 – 2014 جىلدارعا ارنالعان سترا­تە­گيالىق جوسپارىنىڭ تولىق ءماتىنى “ەگەمەن قازاق­ستان­نىڭ” www.egemen.kz ۆەب-سايتىندا 2010 جىلعى 16 ساۋىردە “رەسمي ءبولىم” ايدارىندا جاريالانىپ وتىر). قازاقستان رەسپۋبليكاسى ۇكىمەتىنىڭ قاۋلىسى 2010 جىلعى 14 ءساۋىر              №307                استانا, ۇكىمەت ءۇيى قازاقستان رەسپۋبليكاسى ۇكىمەتىنىڭ 2000 جىلعى 28 قاڭتارداعى № 136 قاۋلىسىنا وزگەرىس ەنگىزۋ تۋرالى قازاقستان رەسپۋبليكاسى ۇكىمەتى قاۋلى ەتەدى: 1.   “شەتەلدىكتەردىڭ قازاقستان رەسپۋبليكاسىندا بولۋىن قۇقىقتىق رەتتەۋدىڭ جەكەلەگەن ماسەلەلەرى” تۋرالى قازاقستان رەسپۋبليكاسى ۇكىمەتىنىڭ 2000 جىلعى 28 قاڭتارداعى №136 قاۋلىسىنا (قازاقستان رەسپۋبليكاسىنىڭ ءپۇاج-ى, 2000 ج., №4, 55-قۇجات) مىناداي وزگەرىس ەنگىزىلسىن: كورسەتىلگەن قاۋلىمەن بەكىتىلگەن شەتەلدىكتەردىڭ قازاقستان رەسپۋبليكاسىنا كەلۋىنىڭ جانە بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ تارتىبىندە: 15-تارماقتىڭ ەكىنشى ابزاتسىنداعى “توقسان تاۋلىكتەن اسپايتىن مەرزىمگە جۇرگىزىلەدى جانە كەيىننەن ءدال وسىنداي مەرزىمگە ۇزارتىلۋى مۇمكىن” دەگەن سوزدەر “وتىز تاۋلىكتەن ال كەدەن وداعى ەلدەرىنىڭ ازامتتارى ءۇشىن توقسان تاۋلىكتەن اسپايتىن مەرزىمگە جۇرگىزىلەدى جانە كەيىننەن ءدال وسىنداي مەرزىمدەرگە ۇزارتىلۋى مۇمكىن” دەگەن سوزدەرمەن اۋىستىرىلسىن. 2. قازاقستان رەسپۋبليكاسى سىرتقى ىستەر مينيسترلىگى بەلگىلەنگەن تارتىپپەن ديپلوماتيالىق ارنالار ارقىلى شەتەل مەملەكەتتەرىنىڭ قۇزىرەتتى ورگاندارىن قابىلدانعان شارالار تۋرالى حاباردار ەتسىن. وسى قاۋلى العاش رەت رەسمي جاريالانعان كۇنىنەن باستاپ ءتورت كۇنتىزبەلىك كۇن وتكەننەن كەيىن قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.