وقىتۋ بارىسىن ورتالىق سايلاۋ كوميسسياسىنىڭ حاتشىسى سابيلا مۇستافينا ايتىپ بەردى.
"ەلەكتورارالىق كەزەڭدە ورتالىق سايلاۋ كوميسسياسىنىڭ قىزمەتى ەكى باعىتقا توپتالادى. بۇل – ۇزدىكسىز ەلەكتورالدىق وقىتۋ ارقىلى تۇراقتى نەگىزدە جۇمىس ىستەيتىن اۋماقتىق سايلاۋ كوميسسيالارى مۇشەلەرىنىڭ كاسىبيلىك دەڭگەيىن ارتتىرۋ جانە بۇعان قاجەتتى شارت رەتىندە ادىستەمەلىك كەشەندەر مەن وقىتۋ ماتەريالدارىن ازىرلەۋ. اتاپ وتكەن ءجون, "قر سايلاۋ تۋرالى" كونستيتۋتسيالىق زاڭ ەلەكتورالدىق وقىتۋدى ۇيىمداستىرۋدىڭ قۇقىقتىق بازاسى بولىپ سانالادى – 12, 14 جانە 18-باپتا سايلاۋ جۇيەسى ورگاندارىنىڭ وكىلەتتىكتەرىندە سايلاۋ پروتسەسىنە قاتىسۋشىلاردى وقىتۋدى ۇيىمداستىرۋ جانە وتكىزۋ كوزدەلگەن.
سايلاۋ كوميسسيالارى مۇشەلەرىن جەرگىلىكتى بيۋدجەت قاراجاتىنا وقىتۋدى ۇيىمداستىرۋ ءۇشىن قۇقىقتىق رەتتەۋ "قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى" زاڭنىڭ 27 جانە 31-باپتارىندا جانە بيۋدجەت كودەكسىنىڭ 54 جانە 55-باپتارىندا كورسەتىلگەن. جىل سايىن قابىلداناتىن ەلەكتورالدىق وقىتۋدىڭ "جول كارتاسىنا" سايكەس, سايلاۋدى ۇيىمداستىرۋشىلار, ورتالىق جانە جەرگىلىكتى اتقارۋشى ورگانداردىڭ مەملەكەتتىك قىزمەتشىلەرى, سوت جۇيەسىنىڭ, قۇقىق قورعاۋ ورگاندارىنىڭ قىزمەتكەرلەرى جانە ەلەكتورالدىق پروتسەستىڭ باسقا دا قاتىسۋشىلارى ءۇشىن وقىتۋ شارالارى وتكىزىلەدى", دەدى س.مۇستافينا ورتالىق سايلاۋ كوميسسياسىندا وتكەن وتىرىستا.
ونىڭ ايتۋىنشا, بيىل ەلەكتورالدىق وقىتۋدىڭ "جول كارتاسى" اياسىندا ورتالىق سايلاۋ كوميسسياسى رەسپۋبليكالىق جانە وڭىرلىك دەڭگەيلەردە سايلاۋ پروتسەسىنە قاتىسۋشىلار اراسىنان مىڭنان استام ادامدى قامتي وتىرىپ, 24 وقىتۋ شاراسىن, دارىستەر, سەمينارلار جانە ترەنينگتەر وتكىزگەن. "جول كارتاسىن" جۇزەگە اسىرۋدا ءبىلىم جانە عىلىم مينيسترلىگى, اقپارات جانە قوعامدىق دامۋ مينيسترلىگى, قر پرەزيدەنتى جانىنداعى مەملەكەتتىك باسقارۋ اكادەمياسى, جوعارعى سوت جانىنداعى سوت تورەلىگى اكادەمياسى, باس پروكۋراتۋرا جانىنداعى قۇقىق قورعاۋ ورگاندارى اكادەمياسى, كاسىبي دامۋ ينستيتۋتى, قر كاسىبي تاريحشىلارى مەن قوعامتانۋشىلار ليگاسى, "جاستار" عىلىمي-زەرتتەۋ ورتالىعى, قر جوعارى وقۋ ورىندارىنىڭ قاۋىمداستىعى جانە جەتەكشى ۋنيۆەرسيتەتتەر مەن اكادەميالار وسك ارىپتەستەرى بولىپ وتىر. سپيكەر حابارلاعانداي, ارىپتەستىك نەگىزدە تمد-عا قاتىسۋشى مەملەكەتتەردىڭ پارلامەنتارالىق اسسامبلەياسى دەڭگەيىندە حالىقارالىق شارالار دا جۇزەگە اسىرىلۋدا. اتاپ ايتقاندا, حالىقارالىق دەموكراتيانى دامىتۋدىڭ مونيتورينگى ينستيتۋتىمەن, رف وسك جانىنداعى رەسەيلىك سايلاۋ تەحنولوگيالارىن وقىتۋ ورتالىعىمەن تابىستى جوبالار ىسكە اسىرىلدى, سونداي-اق شەت مەملەكەتتەردىڭ ورتالىق سايلاۋ كوميسسيالارىنىڭ حالىقارالىق كونفەرەنتسيالارىنا قاتىسقان.
