كەزدەسۋ بارىسىندا تاراپتار ساۋدا-ەكونوميكالىق, ينۆەستيتسيالىق, ترانزيت-كولىكتىك جانە مادەني-گۋمانيتارلىق سالالارداعى قازاقستان-قىرعىزستان ىنتىماقتاستىعى ماسەلەلەرى بويىنشا پىكىر الماستى. بۇرىن اسا جوعارى جانە جوعارى دەڭگەيدە قول جەتكىزىلگەن ۋاعدالاستىقتارعا بەيىلدىلىك راستالدى.
سىرتقى ساياسي ۆەدومستۆولارىنىڭ باسشىلارى 1997 جىلعى 8 ساۋىردەگى ماڭگىلىك دوستىق تۋرالى جانە 2003 جىلعى 25 جەلتوقسانداعى وداقتاستىق قاتىناستار تۋرالى شارتتار رۋحىندا ەكى ەلدىڭ ستراتەگيالىق ارىپتەستىگى مەن كوپجوسپارلى ىنتىماقتاستىعىن نىعايتۋدىڭ ماڭىزدىلىعىن اتاپ ءوتتى.
كەلىسسوزدەر بارىسىندا م. تىلەۋبەردى قىرعىزستانداعى قازاقستاندىق كاسىپورىندارعا جاسالعان شابۋىل فاكتىلەرىنە جوعارى الاڭداۋشىلىق ءبىلدىرىپ, قىرعىز تاراپىن قۇقىقتىق ءتارتىپتى جانە قازاقستان ازاماتتارى مەن كومپانيالارىنىڭ قاۋىپسىزدىگىن قامتاماسىز ەتۋ بويىنشا شارالار قابىلداۋعا شاقىردى.
مينيسترلەر حالىقارالىق ۇيىمدار اياسىنداعى ءوزارا ءىس-قيمىلدى تالقىلادى. ورتالىق ازيا ايماعىندا وڭىرلىك كووپەراتسيانى دامىتۋدا وڭ ديناميكانى ساقتاۋعا ەرەكشە نازار اۋدارىلدى.
ءسىم باسشىلارى COVID-19 جاھاندىق پاندەمياسىنا قارسى بىرلەسىپ ءىس-قيمىل جاساۋ ماسەلەلەرىندە ءوزارا ارەكەتتەستىك جونىندەگى جۇمىستى جالعاستىرۋعا كەلىستى.
