ايماقتار • 29 قازان، 2020

اتىراۋدا جەڭگەتايلىقپەن اينالىسقان ايەل بەس جىلدان كەيىن تۇرمەگە ءتۇستى

433 رەت كورسەتىلدى

ەكى بالاسى بار ايەل بەس جىل بۇرىن جەڭگەتايلىق قىزمەت ۇسىنىپ، پريتون ۇستاعان ەكەن. جاقىندا ول ايەلدەر تۇرمەءسىنە قامالدى، دەپ حابارلايدى Egemen.kz.

"بۇل ايەل 2015 جىلعى قىركۇيەكتە كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتىنىڭ ۇكىمىمەن قر قىلمىستىق كودەكسىنىڭ 309-بابىمەن (جەزوكشەلىكپەن اينالىسۋعا ارنالعان پريتوندار ۇيىمداستىرۋ نەمەسە ولاردى ۇستاۋ جانە جەڭگەتايلىق) ايىپتى دەپ تانىلدى.

وعان بەس جىل مەرزىمگە باس بوستاندىعىنان ايىرۋ جازاسى تاعايىندالعان ەدى. الايدا سوت ونىڭ كىشكەنتاي بالالالارىن ەسكەرىپ، جازا وتەۋ مەرزىمى بەس جىلعا كەيىنگە قالدىرعان بولاتىن"، دەيدى اتىراۋ قالالىق پروباتسيا قىزمەتىنىڭ ينسپەكتورى ايزەرە داۋلەتباەۆا.

ونىڭ ايتۋىنشا، بيىل سوتتالعان ازاماتشانىڭ جازاسىن وتەۋ مەرزىمىنىڭ شەگەرىلگەن ۋاقىتى اياقتالدى. وسىعان بايلانىستى اتىراۋ قالالىق پروباتسيا قىزمەتى سوتتالۋشىنىڭ جازاسىنا قاتىستى شەشىم قابىلداۋ ءۇشىن №2 قالالىق سوتقا ۇسىنىم جولدادى. سوت شەشىمىمەن ازاماتشا ۋگ-157/9 (اتىراۋ ايەلدەر كولونياسى) مەكەمەسىنە قامالدى.

سوتتالعان ايەلدىڭ كامەلەتكە تولماعان ەكى بالاسى تۋىستارىنىڭ قامقورلىعىنا بەرىلدى.

 

سوڭعى جاڭالىقتار

ارالدا توتەنشە جاعداي جاريالانادى

ەكولوگيا • 18 ماۋسىم، 2021

ۇقساس جاڭالىقتار