قازاقستان • 29 قازان، 2020

ەلىمىزدە 10 ايدا براكونەرلىك فاكتى بويىنشا 6066 اكىمشىلىك ءىس قوزعالعان

10 رەت كورسەتىلدى

قازاقستاندا 10 ايدا براكونەرلىك فاكتىسى بويىنشا 117 قىلمىستىق، 6066 اكىمشىلىك ءىس قوزعالعان، دەپ حابارلايدى Egemen.kz.

بۇگىنگى تاڭدا قوعام بەلسەندىلەرى مەن ەكو-اكتيۆيستەردىڭ قىزۋ تالقىسىندا جۇرگەن تاقىرىپتىڭ ءبىرى – براكونەرلىك. زاڭسىز اڭ اۋلاپ، تابيعات پەن مەملەكەتكە ولشەۋسىز شىعىن مەن قاتەر كەلتىرۋشىلەرگە قارسى كۇرەس قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى تاراپىنان جىل ون ەكى اي ۇزدىكسىز جۇرگىزىلۋدە.

دەسە دە اعىمداعى جىلدىڭ وتكەن 10 ايىندا براكونەرلىك فاكتىسى بويىنشا 117 قىلمىستىق، 6066 اكىمشىلىك ءىس قوزعالىپ ۇلگەرگەن.

بيىلعى جىلدىڭ وزىندە براكونەرلىكپەن كۇرەستى جالعاستىرۋ ءۇشىن مەملەكەتتىك بيۋدجەتتەن 845 012 ملن تەڭگە قارجى بولىنگەن. سونىمەن قاتار ينسپەكتورلار يگىلىگىنە 10 دانا كاماز كولىگى، 9 دانا Toyota Land Cruiser اۆتوكولىگى، 2 دانا Toyota Corolla اۆتوكولىگى ساتىپ الىنعان. بۇل شارالار براكونەرلىكپەن كۇرەستە ۇلكەن سەرپىن بەرەتىنى ءسوزسىز.

براكونەرلىكتى جەڭۋ ءۇشىن ونىمەن كۇرەسۋ ازدىق ەتەتىن ەسكەرۋ كەرەك. سوندىقتان كوميتەت تاراپىنان قوعاممەن جۇمىستا بەلسەندى تۇردە جۇرگىزىلۋدە. وسىعان وراي ءتۇسىندىرۋ مەن الدىن الۋ شارالارى ماقساتىندا 10 اي ىشىندە مەملەكەتتىك جانە وڭىرلىك باق بەتتەرىندە 696 ماقالا مەن سۇحباتتار جاريالانعان.

 

سوڭعى جاڭالىقتار

ارالدا توتەنشە جاعداي جاريالانادى

ەكولوگيا • 18 ماۋسىم، 2021

ۇقساس جاڭالىقتار