بۇل شارۋا قاراعاندى وبلىستىق مادەنيەت, مۇراعاتتار جانە قۇجاتتاما باسقارماسىنىڭ تاريحي-مادەني مۇرانى ساقتاۋ ورتالىعىنىڭ تاپسىرىسى اياسىندا ىسكە استى.
اعاشتان سوعىلعان, ەكى قاباتتان تۇراتىن مەشىتتىڭ 1849-1853 جىلدار ارالىعىندا حاكىم ابايدىڭ اكەسى قۇنانباي وسكەنباي ۇلىنىڭ قاراجاتىنا سالىنعانى بەلگىلى. كەزىندە مەشىت ىشىندەگى مەدرەسە بالا وقىتتى, مۇندا شاكىرتتەرگە ارنالعان جاتاقحانا جانە مولدالاردىڭ ءۇيى بولعان.
ال سوۆەت زامانىندا مەشىتتىڭ مۇناراسى قۇلاتىلدى دا, عيماراتتىڭ ءبىر بولىگى اۋەلى مەكتەپكە, سودان سوڭ ول قويماعا اينالدىرىلدى. كەيىن, ءتىپتى بوس قالىپ, ءبىراز ۋاقىت قاراۋسىز كۇيدە تۇردى.
تەك, وتكەن عاسىردىڭ 80-جىلدارى مەشىت قالپىنا كەلتىرىلىپ, ءدىن وكىلدەرىنە بەرىلدى. ارادا ون جىلداي وتكەن سوڭ, ياعني 1991 جىلى قۇنانباي قاجى مەشىتى قازاقستاننىڭ تاريحي جانە مادەني ەسكەرتكىشتەرىن قورعاۋ جانە قالپىنا كەلتىرۋ وندىرىستىك بىرلەستىگىنىڭ ماماندارى عيماراتتى قايتا جوندەۋدەن وتكىزدى.
بۇگىنگى كۇندە قاجى سالدىرعان قاسيەتتى مەشىت قازاقستاننىڭ كيەلى جەرلەرىنىڭ تىزىمىنە ەنگىزىلگەن.
قاراعاندى وبلىسى
