مىسالى, 2020 جىلدىڭ 4 ساۋىرىندە قازاقستاندا covid-19.mentalcenter.kz سايتى ىسكە قوسىلدى. بۇل پلاتفورما - بۇۇ ورتالىعى مەن بالالار قورىنىڭ (يۋنيسەف) جوباسى. ونىڭ ماقساتتى اۋديتورياسى الەۋمەتتىك جاعىنان نەمەسە جاس ەرەكشەلىگىمەن شەكتەلمەيدى. بارلىعى بىردەي پسيحولوگيالىق كومەككە جۇگىنە الادى: كارانتين جاعدايىندا وقشاۋلانعان ەرەسەكتەر, بالالار, جاسوسپىرىمدەر, قارت ادامدار جانە مۇگەدەكتىگى بار ادامدار. كۆي-مەن كۇرەسكە تارتىلعان مەديتسينا قىزمەتكەرلەرى مەن ءبىلىم بەرۋ پسيحولوگتارىنا دا كاسىبي كەڭەستەر بەرىلەدى.
"سايت ەكى بولىمنەن تۇرادى. ءبىرىنشىسى, ءبىلىم بەرۋ. وندا قانداي دا بوملاسىن بۇزىلۋلاردى, مازاسىزدىقتى, ۇيقىنىڭ بۇزىلۋىن قالاي رەتتەۋگە بولاتىنىن, ياعني پاندەميا كەزىندە سترەسستى باسقارۋ جولدارىن بىلە الاسىز. قازىرگى كەزدە 40 مىڭنان استام ادام وسى سايتقا كىرىپ, 100 مىڭنان استام ادام ءتيىستى سەسسيالار وتكىزگەن. ەكىنشى ءبولىم - ءتيىستى جەكە كومەك. وندا ءوزىڭىزدى قىزىقتىرعان سۇراقتى قويىپ, جازباشا تۇردە جاۋاپ الۋعا بولادى. سونداي-اق 350 ادام online-كەڭەس العان", - دەدى نەگاي.
ايتا كەتەيىك, كەڭەس الۋعا جازىلۋ ءۇشىن تەلەفون نومەرى عانا قاجەت. ونلاين-كەزدەسۋ ۋاقىتى ابونەنتكە سمس ارقىلى جىبەرىلەدى. سونداي-اق انىقتاما قىزمەتى, بايلانىس ورتالىعى جانە ەلەكتروندىق مەكەن جاي ارقىلى جۇگىنۋگە بولادى. بارلىق اقپارات قۇپيا ساقتالادى.
