مينيسترلىك وكىلىنىڭ سوزىنشە, قازىرگى ەڭبەك نارىعىنا العاش كەلگەن قىزمەتكەرلەردىڭ دەرەكتەرى بىردەن ەلەكتروندى فورماتتا تىركەلەدى. سونىڭ نەگىزىندە ەڭبەك ءوتىلى ساقتالىپ, بولاشاقتا زەينەتاقى مەن الەۋمەتتىك تولەمدەردى راسىمدەۋگە مۇمكىندىك بەرەدى.
«قازىرگى تاڭدا قىزمەتكەرلەردىڭ ەڭبەك قىزمەتى تسيفرلىق جۇيەدە جۇرگىزىلەدى. وسى ارقىلى ەڭبەك ءوتىلىن راستاۋ جانە الەۋمەتتىك قولداۋ شارالارىن راسىمدەۋ الدەقايدا جەڭىلدەدى», دەدى باحتيار جازىقپاەۆ.
ونىڭ ايتۋىنشا, زەينەتاقى مەن جاردەماقى تاعايىنداۋ كەزىندە نەگىزگى دەرەكتەردىڭ باسىم بولىگى قازىردىڭ وزىندە تسيفرلاندىرىلعان. سوندىقتان قاعاز قۇجاتتارعا دەگەن قاجەتتىلىك ازايىپ كەلەدى.
سونىمەن بىرگە, 1998 جىلعا دەيىنگى ەڭبەك وتىلىنە قاتىستى كەيبىر دەرەكتەر ءالى دە ارحيۆتەردە ساقتالىپ وتىر. وسى ماسەلەنى شەشۋ ءۇشىن مەملەكەتتىك ورگاندار e-ارحيۆ جۇيەسىمەن ينتەگراتسيا جۇرگىزىپ جاتىر.
ء«بىز e-ارحيۆ جۇيەسىمەن جۇمىس ىستەپ جاتىرمىز. سونىڭ ارقاسىندا ازاماتتار زەينەتاقى تاعايىنداۋ كەزىندە ەسكى ەڭبەك كىتاپشالارىنداعى مالىمەتتەردى وزدەرى دالەلدەۋدىڭ قاجەتى بولمايدى. قاجەتتى اقپارات ارحيۆتەردەن اۆتوماتتى تۇردە الىنادى», دەدى ول.
ەندى ازاماتتار زەينەتاقى اكتيۆتەرىن ينتەرنەت-پلاتفورما ارقىلى باقىلاي الادى
وسىلايشا, ەلىمىزدە ەڭبەك ءوتىلىن ەسەپكە الۋ تولىق تسيفرلىق جۇيەگە كوشىپ كەلەدى. ال قاعاز ەڭبەك كىتاپشالارى تەك وتكەن جىلدارداعى ەڭبەك تاجىريبەسىن راستاۋعا ارنالعان قوسىمشا قۇجات رەتىندە عانا ساقتالادى.
