بيىل 11 قازاندا اقتوبە وبلىسىنىڭ ۆولونتەرلەر ليگاسى ۇلكەن تەننيستەن «اشىق جۇرەك» كۋبوگىنىڭ قايىرىمدىلىق ءتۋرنيرىن وتكىزدى.
ۆولونتەرلەر قوزعالىسىن كەڭىنەن ناسيحاتتاي وتىرىپ, حالىقتى سالاماتتى ءومىر سالتىن ۇستانۋعا شاقىرۋ, جاستاردىڭ بوس ۋاقىتىن ءتيىمدى پايدالانۋ, ۇلكەن تەننيستى دامىتۋعا ۇلەس قوسۋ جانە ادامداردىڭ قايىرىمدىلىق جاساۋعا دەگەن نيەتتەرىن ارتتىرۋ ماقساتىندا وتكىزىلەتىن ءتۋرنيردىڭ قاتىسۋشىلارى بيىل كوپ بولدى.
ۆولونتەرلەر ليگاسىنىڭ بۇل باستاماسىن اقتوبە قالاسىنىڭ اكىمى اسحات شاحاروۆ قولداپ, ءتۋرنيردىڭ اشىلۋ سالتاناتىنا قاتىستى. ءوز سوزىندە شاھار باسشىسى قوعامداعى ۆولونتەرلەردىڭ اتقارىپ جاتقان ەڭبەگىنىڭ جوعارى دەڭگەيدە ەكەنىن اتاپ ءوتىپ, بارلىق قاتىسۋشىعا العىسىن ءبىلدىردى.
«بۇگىنگى ءتۋرنيردىڭ ءوتۋى اقتوبەلىكتەردىڭ كەز كەلگەن جاعدايدا شەت قالمايتىندىعىنىڭ دالەلى دەپ تۇسىنەمىن. ءبىز ءاردايىم كومەك قولىن سوزۋعا دايىنبىز. ارامىزدا تەك سوزبەن ەمەس, ىسپەن دالەلدەيتىن ازاماتتارىمىزدىڭ سانى كوپ, بۇل – ءبىزدىڭ اۋىزبىرشىلىگىمىزدىڭ كورىنىسى. قوعامداعى مۇقتاج جاندارعا قاشاندا كومەك كورسەتۋگە دايىنبىز, قولۇشىن بەرىپ قاتارىمىزعا تارتۋعا اسىقپىز. ءبىزدىڭ كۇشىمىز – بىرلىكتە», دەدى قالا اكىمى اسحات شاحاروۆ.
قايىرىمدىلىق تۋرنيرىنە 50-گە جۋىق ادام قاتىسۋعا نيەت ءبىلدىردى. بارلىق قاتىسۋشىلار 2-3 مىڭ تەڭگە كولەمىندە جارنا تولەپ, ءۇش توپقا ءبولىنىپ باقتارىن سىنادى. العاشقى توپتا بىرىڭعاي ەرلەر, ەكىنشى توپتا ايەلدەر بولسا, ءۇشىنشى توپ ۆولونتەرلەردەن قۇرالدى. ءبىر كۇن كولەمىندە وتكەن جارىستا بارلىق قاتىسۋشى بەلسەندىلىك تانىتىپ, سپورتقا دەگەن ىنتا-جىگەرىن كورسەتتى. اتالعان قايىرىمدىلىق تۋرنيرىنەن تۇسكەن بارلىق قاراجات ۆولونتەرلەر ليگاسىنان كومەك سۇراعان مۇقتاج وتباسىلارعا اۋدارىلادى.
ايتا كەتەيىك, بۇل ۆولونتەرلەر ليگاسىنىڭ باستاماسىمەن وتكىزىلىپ وتىرعان العاشقى سپورتتىق شارا ەمەس. بۇعان دەيىن دە اۋەسقويلار اراسىندا وسىنداي فۋتبول جانە ۆولەيبولدان تۋرنيرلەر وتكىزىلگەن بولاتىن.
وسى ورايدا جاستار اراسىندا ۆولونتەرلىك باستامالاردى ىلگەرىلەتۋگە باعىتتالعان «اشىق جۇرەك» جوباسى اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» كەاق مەملەكەتتىك گرانتى اياسىندا جۇزەگە اسىرىلىپ جاتقانىن ايتا كەتكەن ءجون.
