وڭىردە ۆيرۋس جۇقتىرعانداردى وقشاۋلايتىن جاڭا ءمودۋلدى ينفەكتسيالىق اۋرۋحانا سالىنىپ, ىسكە قوسىلعان بولاتىن. قازىر مۇندا 5 مىڭنان استام توسەكتىك-ورىن دايىن تۇر. «جامان ايتپاي, جاقسى جوق» دەگەن, ىندەتتىڭ سالقىنى بالالاردى شارپىعان جاعدايدا قول قۋسىرىپ قالماۋ ءۇشىن دە قام جاسالىپ جاتىر. وبلىستا بالالارعا ارنالعان ەكى COVID ورتالىعى قۇرىلعان. بۇل ورتالىقتاردا ءبىر مەزگىلدە 400 جەتكىنشەك ەم قابىلداي الادى.
جالپى, ىندەتتىڭ ەكىنشى تولقىنىنا دايىندىق اياسىندا مەديتسينالىق قۇرال-جابدىقتاردى تۇگەندەۋگە وبلىس قازىناسىنان قوماقتى قارجى بولىنگەن. بۇگىندە بۇل قارجىعا 3 كومپيۋتەرلىك توموگرافيا, 150 وكپەنى جاساندى جەلدەتۋ اپپاراتى ساتىپ الىنعان. بۇعان قوسىمشا رەسپۋبليكالىق بيۋدجەت ەسەبىنەن الىنعان 120 وكپەنى جاساندى جەلدەتۋ اپپاراتى دا ايماقتاعى اۋرۋحانالارعا تابىس ەتىلگەن. قازىر وبلىستا 333 وكپەنى جاساندى جەلدەتۋ اپپاراتى مەن 1 090 دانا وتتەگى كونتسەنتراتى بار. ال جاقىن كۇندەرى وبلىستىڭ «جەدەل جاردەم» ستانساسىنىڭ يەلىگىنە 180 جاڭا كولىك بەرىلمەك. وسىلايشا, وبلىستاعى العاشقى مەديتسينالىق كومەك كورسەتەتىن جەدەل كولىكتەردىڭ جەتىسپەۋشىلىگى شەشىمىن تاپپاق. ياعني وبلىستا جەدەل جاردەم بريگاداسىنىڭ سانى 165 كولىكتەن 205 كولىككە دەيىن كوبەيدى.
ايتپاقشى, الماتى وبلىسىندا بيىل 17 دەنساۋلىق ساقتاۋ نىسانىنىڭ قۇرىلىسى ءجۇرىپ جاتىر. بۇعان 12,9 ملرد تەڭگە قازىنا قارجىسى بولىنگەن. مۇنان بولەك, اۋداندارداعى 7 اۋرۋحانا عيماراتىنا كۇردەلى جوندەۋ جاسالۋدا. ونىڭ قۇنى 3 ملرد تەڭگەگە باعالانعان. مىسالعا, جامبىل اۋدانىنداعى پەرزەنتحانا مەن كوكسۋ اۋدانىنداعى دارىگەرلىك امبۋلاتوريا ىسكە قوسىلدى. ال تالدىقورعان قالاسىنداعى قاجەتتى زاماناۋي قۇرالدارمەن جابدىقتالعان جانە 452 مەديتسينا قىزمەتكەرى ءۇشىن جاڭا جۇمىس ورنى بولعان ءمودۋلدى جۇقپالى اۋرۋلار اۋرۋحاناسىن بولەك اتاپ وتكەن ءجون.
سونداي-اق 1968 جىلى سالىنىپ, كۇردەلى جوندەۋ كورمەگەن ەسكەلدى اۋداندىق ورتالىق اۋرۋحاناسىنىڭ ستاتسيونارى تولىق كۇردەلى جوندەۋدەن ءوتتى. اۋرۋحانانىڭ رەانيماتسيا, حيرۋرگيا, پەرزەنتحانا, تەراپيا, بالالار بولىمشەلەرىندە جانە وتا جاساۋ بلوگىندا قايتا جاڭارتۋ جۇمىستارى جۇرگىزىلىپ, تالاپقا ساي جاڭا زاماناۋي مەديتسينالىق قۇرال-جابدىقتارمەن تولىق قامتاماسىز ەتىلدى. قوسىمشا ورتالىقتاندىرىلعان وتتەگىن تاراتۋ تورابى سالىنعان. وسى توراپتان بارلىق بولىمشەلەردەگى پالاتالارعا جەلى تارتىلىپ, وتتەگى تاسىمالداۋ نۇكتەلەرى جاسالعان ەكەن. ياعني كوروناۆيرۋستىڭ ەكىنشى تولقىنى تۋىنداعان جاعدايعا اۋدانداعى اۋرۋحانا ىندەتپەن كۇرەسۋگە تولىعىمەن دايىن.
– وبلىستا ىندەتپەن كۇرەسكە جەرگىلىكتى بيۋدجەتتەن 13 ملرد تەڭگە بولىنسە, ونىڭ 8,1 ملرد تەڭگەسى ەكىنشى تولقىنعا دايىندىققا جۇمسالۋدا. بۇل قارجىعا 3 كومپيۋتەرلىك توموگراف, 18 رەنتگەن اپپاراتى, 150 وكپەنى جاساندى جەلدەتۋ اپپاراتى جانە باسقا دا مەديتسينالىق قۇرال-جابدىقتار ساتىپ الىندى. سونىمەن قاتار دەمەۋشىلەر كومەگىمەن 31 وكپەنى جاساندى جەلدەتۋ اپپاراتى, 510 وتتەگى كونتسەنتراتورى, 22 سانيتارلىق اۆتوكولىك, 208,3 مىڭ جەكە قورعانىس قۇرالدارى الىندى, – دەيدى وبلىستىق دەنساۋلىق ساقتاۋ باسقارماسىنىڭ باسشىسى ادىلبەك نيازىمبەتوۆ.
دارىگەرلەرگە دەمەۋ مەن قولداۋ كورسەتۋ ىسىندە دە ايماقتا ءبىراز ىلكىمدى جۇمىس بار. قازىرگە دەيىن 5 362 مامانعا 4,7 ملرد تەڭگە سوماسىندا ۇستەمەاقى تولەنگەن ەكەن. جانە تاعى 1 123 قىزمەتكەرگە جەرگىلىكتى بيۋدجەتتەن جالپى سوماسى 137 ملن تەڭگە بولاتىن سىياقى بەرىلگەن. ال مەديتسينا ماماندارىنىڭ تۇرعىن ءۇي ماسەلەسىن شەشۋ ءۇشىن بيىل 756 ملن تەڭگە ءبولىنىپ, وعان 127 پاتەر ساتىپ الىنىپتى. جىل سوڭىنا دەيىن تاعى 64 دارىگەر باسپانامەن قامتاماسىز ەتىلمەك. بۇيىرسا, كەلەسى جىلى تالدىقورعان قالاسىندا تەك مەديتسينا قىزمەتكەرلەرى ءۇشىن 60 پاتەرلى تۇرعىن ءۇي سالىنادى.
– وبلىستا قاجەتتى دارىگەر مامانداردىڭ تاپشىلىعى بار ەكەنى راس. ءبىز وسى كادر جەتىسپەۋشىلىگىن بولدىرماۋعا جىل سايىن كوڭىل ءبولىپ وتىرمىز. الماتىداعى س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىمەن بىرلەسىپ, مامان دايىنداۋ ماقساتىندا 274 دارىگەردى وبلىس قارجىسىنا وقىتتىق. جاس مامانداردىڭ باسپانا ماسەلەن شەشۋ ءۇشىن بيىل 756 ملن تەڭگەگە 127 پاتەر ساتىپ الىندى, جىل سوڭىنا دەيىن تاعى 64 ماماندى باسپانامەن قامتاماسىز ەتەمىز. كەلەسى جىلى مەديتسينا قىزمەتكەرلەرى ءۇشىن تالدىقورعاندا 60 پاتەرلى تۇرعىن ءۇي سالىناتىن بولادى. سول سياقتى 5 362 مامان 4,7 ملرد تەڭگە سوماسىندا ۇستەمەاقى الدى, 1 123 قىزمەتكەرگە جەرگىلىكتى بيۋدجەتتەن جالپى سوماسى 137 ملن تەڭگە بولاتىن سىياقى بەرىلدى. جالپى, ايماقتا ىندەتتىڭ ەكىنشى تولقىنىنا دايىندىق جۇمىستارى ەرەكشە باقىلاۋدا, – دەيدى وبلىس اكىمى اماندىق باتالوۆ.
الماتى وبلىسى
