كەڭەستىڭ جۇمىس توبى ماڭعىستاۋ وبلىسىندا 2018-2019 جىلدارى جانە وسى جىلدىڭ 8 ايىندا سىبايلاس جەمقورلىققا قارسى ءىس-قيمىل بويىنشا اتقارىلعان جۇمىستاردى زەرتتەدى. قوعامدىق كەڭەس مۇشەلەرى بەرگەن اقپاراتقا سايكەس, وڭىردەگى سىبايلاس جەمقورلىق فاكتىلەرىنىڭ نەگىزگى بولىگى جەرگىلىكتى اتقارۋشى ورگانداردىڭ قىزمەتىندە ورىن الىپ وتىر. اتاپ ايتقاندا, مۇنداي فاكتىلەر مەملەكەتتىك ساتىپ الۋ, جەر قاتىناستارى, قۇرىلىس جانە تۇرعىن ءۇي-كوممۋنالدىق شارۋاشىلىق سالالارىندا تىركەلدى.
كەڭەس توراعاسى, پارلامەنت ءماجىلىسىنىڭ دەپۋتاتى ومارحان وكسىكباەۆتىڭ ايتۋىنشا, سىبايلاس جەمقورلىق كورىنىستەرىن بارلىق سالالاردا ورتالىقتا جانە دە وڭىرلەردە ۋاقىتىندا انىقتاۋ جانە جويۋ ءۇشىن قاجەتتى شارالاردى قابىلداۋىمىز قاجەت.
"اسىرەسە, قازىرگى اۋىر دەرت پايدا بولعان, قىسىلتاياڭ كەزدە مەملەكەتتىك ورگاندارعا زور جاۋاپكەرشىلىك جۇكتەلدى. پارتيامىزدىڭ توراعاسى, نۇرسۇلتان نازارباەۆ ايتقانداي, "العا قويعان ماقساتتارعا جەمقورلىقپەن ىمىراسىز كۇرەسۋ ارقىلى عانا جەتۋ مۇمكىن". مۇنى ەستەن شىعارماۋىمىز كەرەك. سونداي-اق, قازاقستان حالقىنا جولداۋىندا مەملەكەت باسشىسى قاسىم-جومارت توقاەۆ ايتقانداي: ء«بىز ازاماتتارىمىزدىڭ لايىقتى ءومىر سۇرۋىنە جاعداي جاساۋعا, ولاردىڭ قۇقىقتارىن قورعاۋعا, زاڭ ۇستەمدىگىن قامتاماسىز ەتۋگە, جەمقورلىققا قارسى كۇرەستى كۇشەيتۋگە مىندەتتىمىز", دەدى ومارحان وكسىكباەۆ.
وتىرىس قورىتىندىسى بويىنشا قوعامدىق كەڭەس مۇشەلەرى ماڭعىستاۋ وبلىسىندا سىبايلاس جەمقورلىققا قارسى ءىس-قيمىلدى جانداندىرۋ جونىندە بىرقاتار ناقتى ۇسىنىستار بەردى.
ايتا كەتەيىك, بۇعان دەيىن Nur Otan پارتيالىق باقىلاۋ كوميتەتىنىڭ الاڭىندا پارتيا مۇشەلەرى قازاقستاندىقتاردى تازا اۋىز سۋمەن قامتاماسىز ەتۋدىڭ وزەكتى ماسەلەلەرىن تالقىلادى.
