"ىشكى نارىقتا فابريكالار مەن زاۋىتتارعا, كوتەرمە ساۋدا جانە قويمادان تاراتۋ ورىندارىنا سۇرانىس بار. سوندىقتان قالامىز بەن قالا تۇرعىندارىنا ماڭىزدى مۇنداي نىسانداردى كوپتەپ اشىپ جاتىرمىز. ولاردان شىعاتىن ءونىمدى مىسالى, جاڭا نىسانداردىڭ قۇرىلىسىنا; تۇرعىن ءۇي-كوممۋنالدىق شارۋاشىلىقتى جاڭعىرتۋعا, ينجەنەرلىك توراپتاردى الماستىرۋعا پايدالانۋعا بولار ەدى. سونىمەن بىرگە, تارماقتالعان جەلىلەردى سالۋ قاجەتتىگىن پاندەميا دا كورسەتىپ وتىر.
"Kayaturk Group" كومپانياسىنىڭ ينۆەستورلارىمەن بىرلەسىپ, توقىما فابريكاسى مەن ازىق-ت ۇلىك سۋپەرماركەتى قۇرىلىسى ماسەلەسىن تالقىلادىق. حولدينگتىڭ قۇرىلتايشىسى ابدۋل ناسىر چەتين تۇراقتى جۇمىس ورىندارى اشىلىپ, ءوندىرىس جولعا قويىلاتىنىن اتاپ ءوتتى.
ينۆەستورلارمەن جەكەلەگەن كەزدەسۋلەردەن بولەك, ينۆەستيتسيالىق كەڭەستەر دە وتكىزىپ ءجۇرمىز. وڭىرلىك ينۆەستيتسيالىق كەڭەستە قولداۋ تاپقان جۇمىستاردىڭ ىشىندە الەۋمەتتىك, ينفراقۇرىلىمدىق, وندىرىستىك, لوگيستيكالىق جانە باسقا دا جوبالار بار. قۇرىلىس جەكەمەنشىك قارجىعا جۇرگىزىلەدى. ءار ينۆەستورمەن جەكە جۇمىس ىستەپ, پايدا بولعان اكىمشىلىك توسقاۋىلداردى جويىپ جاتىرمىز", دەدى نۇر-سۇلتان قالاسىنىڭ اكىمى التاي كولگىنوۆ.
