24 قازاندا رەيدتىك ءىس-شارالار وتكىزۋ بارىسىندا قارابالىق اۋداندىق پوليتسيا ءبولىمىنىڭ ۋچاسكەلىك پوليتسيا ينسپەكتورى اققۇدىق اۋىلىنىڭ ماڭىندا “ۆاز-21093” ماركالى اۆتوكولىگىن توقتاتقان, اۆتوماشينادا قارابالىق كەنتىنىڭ ەكى تۇرعىنى بولعان, كولىكتى تەكسەرۋ كەزىندە جۇكسالعىشىنان ءسىبىر ەلىكتەرى مەن تىركەلمەگەن مىلتىق تابىلدى. زاڭسىز اڭ اۋلاۋ فاكتىسى بويىنشا قر قىلمىستىق كودەكسىنىڭ 337-بابىنىڭ 1-بولىگى (زاڭسىز اڭشىلىق) بويىنشا سوتقا دەيىنگى تەرگەۋ باستالدى. پوليتسەيلەر تىركەلمەگەن مىلتىق پەن “ۆاز” اۆتوماشيناسىن تاركىلەدى.
"پوليتسەيلەر تابيعات قورعاۋ زاڭناماسىن بۇزۋ فاكتىلەرىنىڭ الدىن الۋعا جانە جولىن كەسۋگە باعىتتالعان رەيدتىك ءىس-شارالاردى ۇنەمى وتكىزىپ تۇرادى. قر قىزىل كىتابىنا ەنگىزىلگەن جانۋارلار مەن قۇستاردى زاڭسىز اۋلاعانى ءۇشىن ازاماتتارعا اكىمشىلىك نەمەسە قىلمىستىق جاۋاپكەرشىلىك كوزدەلگەن. مەملەكەتكە كەلتىرىلگەن زالال وتەلەدى", – دەپ اتاپ ءوتتى وبلىستىق پد تابيعاتتى قورعاۋ پوليتسياسى ءبولىمىنىڭ اعا ينسپەكتورى عازرەتعالي الىمعازين.
