بەلگىلى بولعانداي, ويناپ وتىرعان 9 جاستاعى بالا بايقاماي تيىندى جۇتىپ قويعان. ءبىر ساعاتتان سوڭ ونىڭ تىنىس الۋى قيىنداپ, جاعدايى ناشارلاعان. بۇدان سوڭ, ول وبلىستىق كوپبەيىندى بالالار اۋرۋحاناسىنا جەتكىزىلگەن. وكپە جاسۋشالارىن تۇسىرگەن رەنتگەنوگرافيا قورىتىندىسى وڭەشتىڭ جوعارعى جاعىندا بوگدە زاتتىڭ تۇرعاندىعىن انىقتاعان.
"شۇعىل تۇردە ونى الۋ ءۇشىن فولەيا (يسپانيا) كاتەتەرى (رەزەڭكە تۇتىك) قولدانىلدى. 2-3 سم ۇرلەنەتىن 2 قۋىستى سيليكوندى تۇتىكتى دەنە قۋىسىنداعى زاتتاردى بوساتۋ, دارىلىك زاتتاردى ەنگىزۋ, شايۋ نەمەسە ولاردى وتكىزۋ ماقساتىندا سىرتقى ورتامەن بايلانىستىراتىن رەزەڭكە تۇتىكپەن بالاعا جالپى ناركوز سالىندى. جالپى بۇل ءادىس وقىستان بولعان شۇعىل جاعدايدا ءتيىمدى. سەبەبى ۋاقىت ءوتىپ كەتسە, دەنەگە بەيىمدەلىپ كەتكەن زاتتى الۋ قيىنعا سوعادى. دارىگەرلەردىڭ ۋاقىتىلى كومەك كورسەتكەنىنىڭ ارقاسىندا بالانىڭ جاعدايى جاقسارىپ, بالا مەديتسينالىق ەم-شارادان كەيىن ۇيىنە قايتارىلدى", - دەلىنگەن حابارلامادا.
تاجىريبەلى حيرۋرگتار نۇرتۋعان القۋاتوۆ پەن ءالىمجان الكەنوۆ مۇنداي وقيعا ءجيى بولماسا دا, كەزدەسىپ تۇراتىنىن ايتتى. دارىگەرلەر اتا-انالارعا بارىنشا ساق بولىپ, بالالارىن قاراۋسىز قالدىرماي, ولارعا كوبىرەك ۋاقىت ءبولۋدى جانە ۇساق زاتتاردى بالالاردىڭ قولى جەتپەيتىن جەرگە قويۋ كەرەكتىگىن ەسكەرتتى.
