Қоғам • 28 Қазан, 2020

"Жетісу" және "Қызылағаш" полигондарында жарықтандыру жүйесі жөнделді

115 рет көрсетілді

Биыл Қорғаныс министрлігінің Әскерлерді пәтерлерге орналастыру Бас басқармасы Сарыөзек гарнизонының саябақ аймағын және Алматы облысындағы екі полигонды жарықтандыру бойынша күрделі жөндеу жұмыстарын жүргізді, деп хабарлайды Egemen.kz Қорғаныс министрлігінің баспасөз қызметіне сілтеме жасап.

Сарыөзек гарнизоны 12740 әскери бөлімінің саябақ аймағын жарықтандыру жүйесі күрделі жөндеуден өтті. Оның периметрі бойынша үш шақырым бойы жарықтандыру құрылғылары бар 90 тірек орнатылды. Жұмыстар "Әскери құрылыс" АҚ-мен орындалды. Жөнделген жарықтандыру, бейнебақылаудағы әскери объектілерді күзету сапасын жақсартуға мүмкіндік береді.

Алматы облысы Ақсу ауданындағы "Жетісу" және "Қызылағаш" оқу полигондарында электрмен жабдықтау желісіне күрделі жөндеу жұмыстарын "Gas energy service company" ЖШС жүргізді. Полигондарды электрлендіру үшін ұзындығы 14 шақырым болатын он киловатт электр тарату желісі орнатылды. 

Қарулы Күштер инфрақұрылымының осы нысандары бойынша жобалық-сметалық құжаттаманы мемлекеттік сараптама мақұлдады. Қазіргі уақытта жұмыстар аяқталып, оларды пайдалануға беру актілері ресімделуде.

Соңғы жаңалықтар

Саңлақтар сыр бермеді

Спорт • 27 Қараша, 2020

Тұрғын үй алаяғы қолға түсті

Қоғам • 27 Қараша, 2020

Алматы облысында жер сілкінді

Оқиға • 27 Қараша, 2020

Ұқсас жаңалықтар