ايماقتار • 28 قازان، 2020

سولتۇستىكتە ايىرتاۋ اۋدانىندا جاۋىنگەرلىك گراناتا تابىلدى

21 رەت كورسەتىلدى

وسى اۋدانعا قاراستى يمانتاۋ اۋىلىنىڭ تۇرعىنى پوليتسياعا قاۋىپتى "ولجا" تاپقانى تۋرالى حابارلاعان. 55 جاستاعى ادام ءوزىنىڭ يتتەرىن سەرۋەندەتىپ جۇرگەندە  جەردە جاتقان گراناتا سالىنعان پاكەتتى كورگەن، دەپ حابارلايدى Egemen.kz

وقىس وقيعا دەرەۋ وبلىسقا حابارلانىپ، پوليتسيا دەپارتامەنتىنىڭ جەدەل جەتكەن جارعىش تەحنيك-ماماندارى "ولجانىڭ" جاۋىنگەرلىك قول گرانات ەكەنىن انىقتاعان. ماماندار ونى زالارسىزداندىرىپ، جارىلعىش زاتتاردى تاسىمالداۋعا ارنالعان كونتەينەرگە ورنالاستىرادى.

"بۇل فاكتى قىلمىستىق كودەكسىنىڭ 287-بابى 3-بولىگى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى، ونىڭ اياسىندا ساراپتاما تاعايىندالادى. اۋىل تۇرعىنى كورسەتكەن جەرگە تەكسەرۋ جۇرگىزىلدى. باسقا جارىلعىش زات تابىلعان جوق"، دەيدى ايىرتاۋ اۋدانى پوليتسيا ءبولىمىنىڭ باستىعى، پوليتسيا پولكوۆنيگى مارات سەركەشەۆ.

مۇنداي قاۋىپتى قارۋ اۋىلعا ءوز اياعىمەن كەلمەگەنى انىق. ونىڭ قانداي اسكەري بولىمنەن ۇرلانعانى جانە قانداي ماقساتپەن ۇرلانعانى جانە كىمنىڭ ۇرلاعانىن اشۋ پوليتسيانىڭ الدىندا تۇرعان جاۋاپتى مىندەت. ەگەر ول اقىل-ويى دۇرىس ادامنىڭ قولىنا تۇسپەي، مۇندايدى قىزىقتاعىش بالا-شاعانىڭ نەمەسە جامان ويلى ادامنىڭ قولىنا تۇسسە، ونىڭ ارتى ۇلكەن قايعىعا سوقتىرارى ءسوزسىز ەدى. سوندىقتان سقو پد بۇل فاكتىگە ايرىقشا نازار اۋدارىپ وتىر.   

ساراپتاما قورىتىندىسى شىققاننان كەيىن گراناتانى پد ماماندارى پوليگوندا جويادى. وسىعان بايلانىستى كەز كەلگەن كۇدىكتى زات انىقتالسا، دەرەۋ پوليتسياعا حابارلاۋ كەرەك ەكەندىگى تۇرعىندارعا ەسكەرتىلدى. مۇنداي قاۋىپتى زاتتاردى ءوز بەتىمەن تاسىمالداۋ قايعىلى وقيعالارعا اكەلۋى مۇمكىن. سونداي-اق، ولار قارۋ-جاراق پەن وق-دارىلەردى ءوز ەركىمەن تاپسىرۋ قىلمىستىق جانە اكىمشىلىك جاۋاپكەرشىلىكتەن بوساتىلاتىنىن ەسكە سالادى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار