تولە بي اۋداندىق پوليتسيا ءبولىمىنىڭ كەزەكشىلىگىنە جەرگىلىكتى تۇرعىننىڭ زاڭسىز قارۋ ساقتاۋى مۇمكىن ەكەنى تۋرالى اقپارات كەلىپ ءتۇستى. اتالعان جايت قر قك-ءنىڭ 287-بابى (قارۋدى, وق-دارiلەردi, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ, بەرۋ, وتكiزۋ, ساقتاۋ, تاسىمالداۋ نەمەسە الىپ ءجۇرۋ) بويىنشا تىركەلدى. وسى ءىس بويىنشا پوليتسيا قىزمەتكەرلەرى جەدەل ىزدەستىرۋ شارالارىن باستاپ كەتتى.
ناتيجەسىندە كۇدىكتى ازامات تولە بي اۋدانىندا ءوز ۇيىنەن ۇستالدى. قازىرگى ۋاقىتتا اتالعان جايت بويىنشا سوتقا دەيىنگى تەرگەۋ امالدارى جۇرگىزىلۋدە. زاتتاي دالەلدەمەلەر الىندى. تەرگەۋ بارىسىندا انىقتالعانداي كۇدىكتى قارۋدى ءوزىنىڭ جاتىن بولمەسىندەگى كەرەۋەت جانىنا جاسىرىپ قويعان. جاسىرىلعان قارۋ 16 كاليبرلى شولاق اڭشى مىلتىعى مەن ەكى دانا وق-ءدارى. كۇدىكتى قارۋدى اڭعا شىعۋ ماقساتىندا قولداناتىنىن ايتتى.
سونداي-اق كۇدىكتىنىڭ بۇرىن باسقا دا قىلمىستارعا قاتىسى بار جوقتىعى انىقتالۋدا. باس شاراسى قولحاتتا. تۇركىستان وبلىسىنىڭ پوليتسەيلەرى زاڭسىز قارۋدى الىپ جۇرمەۋدى, سونىمەن قاتار تىركەلمەگەن قارۋ بولسا پوليتسياعا تاپسىرۋدى ەسكەرتەدى.
