تالاپتاردى ساقتاماعاندارعا ايىپپۇل سالىنادى

جۋىقتا عانا وسكەمەندە وب­لىستىق تاۋارلار مەن كورسە­تى­لەتىن قىزمەتتەردىڭ ساپاسى مەن قاۋىپسىزدىگىن باقىلاۋ دە­پار­تامەنتى ماماندارىنىڭ ۇيىم­داس­تىرۋىمەن ادام اياعى كوپ باسادى-اۋ دەگەن ساۋدا نىساندارىنا جانە دامحانالارعا مونيتورينگتىك توپ پەن قۇ­زىر­لى ورگاندار رەيد جاسادى. مونيتورينگتىك توپتىڭ ماق­ساتى – ادامدار اراسىندا كا­ران­تيندىك جانە شەكتەۋ ەرە­جە­­لەرىن ساقتاۋدى قاداعالاۋ, كو­­روناۆيرۋستىق ينفەكتسيانىڭ تارالۋىنىڭ الدىن الۋ ەدى.

 وسى ماقساتتا جۇمىستارىن جالعاستىرعان توپ وسكەمەندەگى ساۋدا نىساندارىن ارالاي كەلە «براۆو» ءدامحاناسىنا كىرگەن. ساۋدا ورىندارىندا سانيتارلىق تالاپتار ساقتالعانىمەن, اتال­عان ءدامحانادا الەۋمەتتىك قا­شىق­تىقتى كورسەتەتىن سىزىقتار جوق, كىرەبەرىستەگى سانيتارلىق كىلەمشەلەرى كەۋىپ قالعان, قولدى زارارسىزداندىراتىن قۇرالدارى كورىنبەيتىن جەردە تۇر. ال قىزمەتكەرلەرى رەزەڭكە قولعاپ, مەديتسينالىق ماسكا تاقپاعان. سونداي-اق مونيتورينگتىك توپ تەك­سەرگەن سۇلۋلىق سالوندارىن­دا دا ماسكالىق رەجىم ساق­تال­ماعان.

حالىق ۆيرۋستىڭ العاشقى تولقىنىنان ساباق الۋ كەرەك ەدى. قانشاما ادام توسەككە تا­ڭىل­دى, قانشاماسى قايتىس بو­لدى؟! اۋرۋحانالاردان ورىن جەتپەي, ەم-ءدارى تاپپاي سان­­دالعاندار دا از ەمەس ەدى. قا­را­پايىم عانا سانيتارلىق تالاپتاردى ساقتاماي جۇرگەن ازاماتتار جازداعى جاعدايدى ءبىر ءسات ۇمىتىپ كەتكەن سياقتى.

رەيدتىك شارالار كەزىندە ءار نىسانداعى ورىندالماي جاتقان تالاپتارعا بايلانىستى ۋچاسكەلىك پوليتسيا قىزمەتكەرى حاتتاما تولتىرىپ, مەكەمە اكىمشىلىگىنەن تۇسىنىكتەمە الدى. ورىن العان ولقىلىقتار فوتوعا ءتۇسىرىلدى. ەندى وسى نەگىزدە سا­نيتارلىق-ەپيدەميالىق قىز­مەت ماماندارى ءتيىستى شارا قول­دا­نادى.

مونيتورينگتىك توپتاردىڭ جاڭارتىلعان كەستەسى بويىنشا قۇرامىندا جەرگىلىكتى پوليتسيا قىزمەتكەرلەرى مەن سانيتارلىق-ەپيدەميالىق قىزمەتتىڭ ماماندارى دا جۇمىس ىستەيدى. ولار 1-21 قازان ارالىعىندا وبلىس بو­يىنشا 493 رەيد جۇرگىزىپ, 6 091 نىسان قامتىلدى. ونىڭ ىشىندە قوعامدىق كولىك جانە كولىكتى دەزينفەكتسيالاۋ پۋنكتتەرىندە تەكسەرۋ جۇمىستارى جۇرگىزىلدى. سانيتارلىق-ەپيدەميالىق تالاپتاردى ساقتاماعاندارعا اكىم­­شىلىك كودەكستىڭ 425-بابى, 1-بو­لىگى بويىنشا 137 ايىپپۇل سا­­­­­لىندى.

وسىعان وراي وبلىستىق تاۋارلار مەن كورسەتىلەتىن قىز­مەت­تەردىڭ ساپاسى مەن قاۋىپ­­سىز­دىگىن باقىلاۋ دەپار­تا­مەن­تى­نىڭ ماماندارى قول­دانىس­تا­عى سانيتارلىق ەرەجەلەر مەن رەسپۋبليكالىق جانە وبلىستىڭ باس مەملەكەتتىك سانيتارلىق دارىگەرىنىڭ قاۋلىلارىنىڭ بارلىق تالاپتارىن ساقتاۋدى سۇرايدى. حالىق بەلگىلەنگەن شەكتەۋلەردى, ونىڭ ىشىندە الەۋمەتتىك قاشىقتىقتى جانە ماسكا رەجىمىن ساقتاۋى ءتيىس. كوپشىلىكتىڭ قاتىسۋىمەن وتەتىن ءىس-شارالاردى ۇيىمداستىرۋعا شەكتەۋ قويىلعان. مەكەمەلەردە جۇمىس ىستەيتىن قىزمەتكەرلەر مىندەتتى تۇردە ساقتىق شارا­لا­رىن ساقتاعاندارى ءجون. ياعني, ماسكا جانە مەديتسينالىق قور­عا­نىش قولعابىن كيىپ ءجۇرۋ كەرەك. وبەكتىلەردە كۇشەيتىلگەن دەزين­فەكتسيالاۋ رەجىمىن ساق­تاۋ, نۇسقاۋلىققا سايكەس دەزين­فەكتسيالاۋ قۇرال­دا­رىن قول­دا­نۋ مىندەتتى. كىرە­بەرىستە انتيسەپتيكتەر, سانيتايزەرلەر, دەزين­فەك­تسيالىق كىلەمشەلەر جانە بايلانىسسىز تەرمومەترلەر بولۋى ءتيىس.

ەگەر اتالعان سانيتارلىق تا­لاپتار ساقتالماسا, اكىمشىلىك كودەكستىڭ 425-بابىنىڭ 1-بولىگى بويىنشا جەكە تۇلعالار ءۇشىن – 30 اەك نەمەسە 83 340 تەڭگە, شاعىن كاسىپكەرلىك سۋبەكتىلەرى ءۇشىن – 230 اەك نەمەسە 638 940 تەڭگە, ورتا كاسىپكەرلىك سۋبەكتىلەرىنە – 310 اەك نەمەسە 861 180 تەڭگە, ءىرى كاسىپكەرلىك سۋبەكتىلەرىنە – 600 اەك نەمەسە 4 444 800 تەڭگە مولشەرىندە اكىمشىلىك ايىپپۇل سالىنادى. ال رەيدتىك شارالار الداعى ۋاقىتتا دا جالعاسىن تاپپاق.

شىعىس قازاقستان وبلىسى