ء"بىز اقپاراتتىق-ادىستەمەلىك قولداۋ, كونسۋلتاتسيالار, وقىتۋ ءىس-شارالارىن كورسەتەمىز جانە ۇيلەستىرۋ نەتۆوركينگىن قۇرامىز, ياعني ءبىر-بىرىمىزگە قاجەتتى ۇيىمداردى, ادامداردى بىرىكتىرەمىز. جەرگىلىكتى دەڭگەيدە دە, ۇلتتىق دەڭگەيدە دە وزگەرىستەر بويىنشا ۇسىنىستار, ۇسىنىمدار دايىنداۋعا جاردەمدەسەمىز. سونداي-اق ءبىز يدەيالاردى تىڭداپ, ولاردى جوباعا قالىپتاستىرۋعا كومەكتەسەمىز. جوبالاردىڭ قۇنىن ەسەپتەۋ, سونداي-اق قارجىلاندىرۋدى ىزدەۋ بويىنشا دا قولداۋ كورسەتىلۋدە", - دەدى ەلوردانىڭ ازاماتتىق باستامالار ورتالىعى ديرەكتورى ماحاببات ەسپەنوۆا.
ازاماتتىق باستامالار ورتالىعىنا كەلەتىن سۇراقتار اۋقىمى كەڭ. قاجەت بولعان جاعدايدا ءوتىنىش جاساعاندارعا زاڭگەرلىك نەمەسە قارجىلىق جاعىنان كەڭەس بەرىلەدى. ورتالىقتا باستاماشىل ازاماتتارعا الەۋمەتتىك جوبانىڭ يدەياسىن جۇزەگە اسىرۋعا كومەك كورسەتىلەدى, كەيىن ول گرانتتار نەمەسە باعدارلامالار كونكۋرستارىنا قاتىسۋعا جىبەرىلەدى.
ء"بىز ازاماتتارعا باستامالاردى قولداۋ ارقىلى ءوز ءومىرىن جانە قالا ءومىرىن جاقسارتۋعا كومەكتەسەمىز, وسىلايشا پرەزيدەنتتىڭ 2020 جىلعى 1 قازانداعى جولداۋىندا ايتىلعان ازاماتتىق بەلسەندىلىكتى كۇشەيتەمىز", - دەيدى ازاماتتىق باستامالار ورتالىعىنىڭ ۇيلەستىرۋشىسى ءاليا كۋزبەكوۆا.
ورتالىقتىڭ قاتىسۋىمەن جۇزەگە اسىرىلاتىن جوبالار نەگىزىنەن ەرەكشە بالالار تاربيەلەنەتىن وتباسىلاردىڭ, حالىقتىڭ الەۋمەتتىك وسال توپتارىنىڭ, كوپ بالالى وتباسىلاردىڭ ءومىرىن جاقسارتۋعا باعىتتالعان. سونداي-اق ەكولوگيا, ينكليۋزيۆتى ءبىلىم بەرۋ, ۇلتتىق بىرەگەيلىكتى جاڭعىرتۋ ماسەلەلەرى بويىنشا يدەيالار ىسكە اسىرىلۋدا.
يدەيانى نەمەسە جوبانى جۇزەگە اسىرۋ ءۇشىن ۇەۇ جانە ازاماتتار سايتىنا كونسۋلتاتسياعا ءوتىنىم قالدىرا الادى نەمەسە +7 7172 32 35 19, + 7 771 050 15 37, +7 708 800 28 87 نومىرلەرىنە قوڭىراۋ شالۋىنا بولادى.
