فوتو: mmawear.ru
ەلىمىزدە بوكستىڭ دامۋى ساپالى جاڭا دەڭگەيگە كوتەرىلىپ كەلەدى. سالا ءۇشىن ستراتەگيالىق ماڭىزى بار قۇجات بوكسپەن شۇعىلداناتىن ازاماتتار سانىن كوبەيتۋ, سپورتشىلار دايارلاۋ ساپاسىن جانە قازاقستاندىق بوكسشىلاردىڭ حالىقارالىق ارەنادا باسەكەگە قابىلەتتىلىگىن ارتتىرۋدى كوزدەيدى.
تۇجىرىمداما نەگىزگى 6 ءبولىمدى جانە سالانى دامىتۋدىڭ بارلىق باعىتىن قامتيدى. ولاردىڭ ىشىندە 5 باسىم باعىت ايقىندالعان:
- بوكس ينفراقۇرىلىمىن دامىتۋ;
- بۇقارالىق سپورتتى كەڭەيتۋ جانە سپورت رەزەرۆىن قالىپتاستىرۋ;
- عىلىمي-ادىستەمەلىك جانە مەديتسينالىق سۇيەمەلدەۋ ءىسىن جەتىلدىرۋ;
- جاتتىقتىرۋشىلار مەن تورەشىلەردىڭ بىلىكتىلىگىن ارتتىرۋ;
- حالىقارالىق ىنتىماقتاستىق پەن كاسىبي بوكستى دامىتۋ.
قويىلعان مىندەتتەردى جۇزەگە اسىرۋ تەتىگى 31 ءىس-شارانى قامتيتىن بەكىتىلگەن كەشەندى جوسپاردان تۇرادى. بۇل شارالار سالانىڭ وزەكتى مىندەتتەرىن جۇيەلى تۇردە شەشۋگە جانە ناقتى ناتيجەلەرگە قول جەتكىزۋگە باعىتتالعان.
بۇگىندە ەلىمىزدە بوكسپەن 153 مىڭنان استام ادام اينالىسادى, ولاردى ەلىمىزدىڭ 20 وڭىرىندە 2 مىڭنان استام جاتتىقتىرۋشى باپتايدى.
ۇلتتىق قۇرامانىڭ نەگىزگى, جاستار, بالالار جانە جاسوسپىرىمدەر كوماندالارىنىڭ ساپىندا – 595 سپورتشى بار.
وتكەن جىلدىڭ قورىتىندىسى بويىنشا 39 مىڭنان استام بالا بالالار-جاسوسپىرىمدەر سپورت مەكتەپتەرىندە بوكسپەن اينالىسىپ جاتىر, ولاردى 1 385 باپكەر جاتتىقتىرادى.
قازاقستان بوكس قۇراماسى Futures Cup تۋرنيرىندە ءۇش التىن مەدال جەڭىپ الدى
2030 جىلعا قاراي بوكسپەن اينالىساتىنداردىڭ سانىن كوبەيتۋ, دايىندىق جۇيەسىنىڭ تيىمدىلىگىن ارتتىرۋ جانە قازاقستاندىق سپورتشىلاردىڭ الەمدىك دەڭگەيدەگى پوزيتسياسىن نىعايتۋ جوسپارلانىپ وتىر.
تۇجىرىمدامانى جۇزەگە اسىرۋ سالانىڭ جۇيەلى دامۋىنا جاڭا سەرپىن بەرمەك جانە وتاندىق سپورتتى دامىتۋدا, جاستار اراسىندا سالاماتتى ءومىر سالتىن ناسيحاتتاۋدا, سونداي-اق حالىقارالىق ارەنادا ەلدىڭ ءيميدجىن نىعايتۋدا ماڭىزدى قادام بولماق.
