تۇتىنۋشىلاردىڭ قۇقىقتارىن قورعاۋ جونىندەگى تسيفرلىق پلاتفورما تۇتىنۋشىلاردىڭ بارلىق شاعىمدارىن, وتىنىشتەرىن جيناۋدىڭ, وڭدەۋدىڭ جانە مونيتورينگىلەۋدىڭ ورتالىقتاندىرىلعان الاڭى بولۋى ءتيىس. تۇتىنۋشىلاردىڭ قۇقىقتارىن قورعاۋ جونىندەگى تسيفرلىق پلاتفورمانىڭ پيلوتتىق نۇسقاسىنىڭ 1-كەزەڭى اياسىندا "تاۋاردى ايىرباستاۋ/قايتارۋ" ساناتى بويىنشا وتىنىشتەردى جيناۋ جانە وڭدەۋدىڭ تەستىلەۋى جۇرگىزىلەتىن بولادى. پيلوتتىق جوباعا ءۇش ءىرى ساۋدا ورىندارى قاتىسادى: Alser, Magnum Cash&Carry, انۆار.
تۇتىنۋشىلار پلاتفورماعا weask.kz ادرەسى بويىنشا كىرە الادى جانە جوعارىدا كورسەتىلگەن دۇكەندەردەن ساتىپ الىنعان تاۋاردى ايىرباستاۋ / قايتارۋ بويىنشا ءوز وتىنىشتەرىن / شاعىمدارىن قالدىرا الادى. بۇل رەتتە, ءونىم دۇكەننىڭ قايتارۋ تالاپتارىنا سايكەس كەلۋى كەرەك, چەكتىڭ نەمەسە دۇكەندە ساتىپ الۋ تۋرالى راستاۋدىڭ بولۋى قاجەت. باسقا ماسەلەلەر بويىنشا شاعىمدار/وتىنىشتەر بەرۋ فۋنكتسيونالى پىسىقتالۋدا جانە پلاتفورمانى تولىققاندى ىسكە قوسۋ شەڭبەرىندە قولجەتىمدى بولادى.
شاعىم/وتىنىش بەرۋ ءۇشىن تۇتىنۋشىعا بىرنەشە ارنالار قولجەتىمدى بولادى: (1) ءوز سۇراتۋىن تىكەلەي پلاتفورمادا جىبەرۋ, (2) ساۋدا ورىندارىنداعى سمارتفونداردىڭ كومەگىمەن QR-كودتاردى وقۋ ارقىلى.
پلاتفورماعا شاعىم تۇسكەننەن كەيىن تۇتىنۋشىلاردىڭ شاعىمىن دۇكەن قارايدى. ەگەر تۇتىنۋشى دۇكەننىڭ جاۋابىنا قاناعاتتانباسا, وندا ءوتىنىش ءارى قاراي قر تۇتىنۋشىلاردىڭ قۇقىقتارىن قورعاۋ كوميتەتىنىڭ قاراۋىنا جىبەرىلەدى.
پلاتفورمانى تولىققاندى ىسكە قوسۋ ناتيجەلەرى بويىنشا تۇتىنۋشىلار وزدەرىنىڭ قۇقىقتارى مەن مۇمكىندىكتەرى تۋرالى قاجەتتى اقپاراتپەن قامتاماسىز ەتىلەدى, دۇكەندەرمەن ءوزارا ءىس-قيمىل ونلاين-فورماتقا اۋىستىرىلادى, بۇل كورسەتىلەتىن قىزمەتتەردىڭ / ساتىلاتىن تاۋارلاردىڭ ساپاسىن ارتتىرۋعا اسەر ەتەدى.
سونىمەن بىرگە, تۇتىنۋشىلاردا ونلاين فورماتتا قوعامدىق بىرلەستىكتەردەن جانە قازاقستاننىڭ باسقا دا سوتقا دەيىنگى رەتتەۋ ورگاندارىنان قوسىمشا اقپارات جانە قولداۋ الۋ ءۇشىن جۇگىنۋ مۇمكىندىگى بولادى.
