كەزدەسۋدى قازاقستاننىڭ وزەكتى الەۋمەتتىك-ساياسي جانە سىبايلاس جەمقورلىققا قارسى رەفورمالارى تۋرالى شولۋ بەينەروليگىن كورسەتۋدەن باستاعان اليك شپەكباەۆ جەمقورلىقتى ازايتۋ مەن ساياسي ترانسفورماتسيا اراسىنداعى اجىراماس بايلانىستى اتاپ ءوتتى.
«پرەزيدەنت پارلامەنتتىك وپپوزيتسيانىڭ قۇقىقتىق مارتەبەسىن رەتتەۋدەن, جالا جابۋدى قىلمىستىق سيپاتتان ارىلتۋدان, ساياسي پارتيالاردى تىركەۋدى جەڭىلدەتۋدەن جانە ولاردىڭ تىزىمىنە ايەلدەر مەن جاستار ءۇشىن 30% كۆوتا ەنگىزۋدەن, بەيبىت جينالىستار وتكىزۋدى ليبەريزاتسيالاۋدان باستالعان ەلدى ساياسي جاڭعىرتۋعا ەرەكشە نازار اۋدارادى. اسىرەسە, بيۋروكراتيالىق كەدەرگىلەر مەن مەملەكەتتىك ورگانداردىڭ ارەكەتسىزدىگىنەن ازاماتتاردىڭ قۇقىقتارى مەن بيزنەستى قورعاۋدىڭ سەنىمدى كەپىلىنە اينالاتىن, 2021 جىلدان باستاپ ىسكە قوسىلاتىن راسىمدىك-پروتسەستىك كودەكستەن ەرەكشە اسەر كۇتىلۋدە. جاقىن ارادا ىسكە اسىرىلاتىن اۋىل اكىمدەرىن سايلاۋ, قوعامدىق باقىلاۋ تۋرالى زاڭدى قابىلداۋ, ازاماتتاردىڭ ۇسىنىستارى ءۇشىن ونلاين-پەتيتسيالاردى ەنگىزۋ باستامالارى – جۇرگىزىلىپ جاتقان ساياساتتىڭ قيسىندى جالعاسى», - دەپ مالىمدەدى اگەنتتىك توراعاسى.
قور وكىلدەرى جۇرگىزىلىپ جاتقان رەفورمالارعا جوعارى قىزىعۋشىلىق تانىتىپ, قازاقستاننىڭ جەمقورلىق پەن دەموكراتيا دەڭگەيىنىڭ اراسىنداعى تىكەلەي بايلانىستى ءتۇسىنۋىنىڭ ماڭىزدىلىعىن اتاپ ءوتتى.
اتاپ ايتقاندا, ەۋرازيا بويىنشا وڭىرلىكۇيلەستىرۋشى حانس-يواحيم شپانگەر ءتيىمدى قوعامدىق باقىلاۋ مەن جۋرناليستەردىڭ قورعالۋىن سىبايلاس جەمقورلىققا قارسى كۇرەستىڭ ماڭىزدى فاكتورلارى دەپ اتادى.
«جالا جابۋدى قىلمىستىق سيپاتتان ارىلتۋتۋرالى شەشىم شىنايى دەموكراتياعا باستاعانماڭىزدى قادام جانە ازاماتتار مەن باق-تىڭ جەمقورلاردى اشكەرەلەۋگە كەڭىنەن قاتىسۋىن قامتاماسىز ەتۋگە مۇمكىندىك بەرەدى», - دەپ باسا ايتتى شپانگەر مىرزا.
قوردىڭ باس ساراپشىسى حاۋكە حارتمان جانە ونىڭ ارىپتەستەرى 2019-2020 جىلدارعا ارنالعان «ترانسفورماتسيا يندەكسى» زەرتتەۋى اياسىندا قازاقستاننىڭ كەزەكتى شولۋىن دايىنداۋدى ەسكەرە وتىرىپ, مۇنداي تانىستىرۋ پرەزەنتاتسيالارىساراپشىلارعا جۇرگىزىلگەن رەفورمالار مەن الداعى ستراتەگيانىڭ كەلەشەگىنە تەرەڭ تالداۋ جۇرگىزۋگە كومەكتەسەتىنىن اتاپ ءوتتى.
حارتمان مىرزا «حالىق ۇنىنە قۇلاق اساتىن مەملەكەت» ساياساتىنىڭ حالىقارالىق كوممۋنيكاتسيالار ءۇشىن دە وزەكتى ەكەنىن اتاپ ءوتتى: «... قانداي دا ءبىر مەملەكەتتىڭ بەلسەندىلىك دەڭگەيى نەعۇرلىم جوعارى بولسا, ەلدىك باعالاۋ دا وبەكتيۆتى ءارى اشىق بولادى. بۇل تۇرعىدا قازاقستانعا لايىقتى باعا بەرۋ كەرەك».
بەرتەلسمان قورىنىڭ سىبايلاس جەمقورلىققا قارسى ساياساتتىڭ تيىمدىلىگى جونىندەگى سوڭعى ەسەبىنىڭ قورىتىندىسى بويىنشا قازاقستان ءوز كورسەتكىشىن 2 بالعا جاقسارتىپ, بۇل جەتىستىكتىڭ حالىقارالىق قوعامداستىق تاراپىنان وڭ قابىلدانىپ جاتقانىن اتاپ وتكەن ءجون.
