تۇسكەن حابارلاما بويىنشا اۋداندىق پوليتسيا ءبولىمىنىڭ جەكە قۇرامى, اۋداندىق ءبىلىم ءبولىمىنىڭ قىزمەتكەرلەرى, كەنت تۇرعىندارىنان جاساقتالعان ەرىكتىلەر ىزدەستىرۋ جۇمىستارىنا كىرىستى. اۋداننىڭ بارلىق اۋىلدارى مەن دالالىق جولدارى, ۆوكزال ماڭى, ورمان القاپتارى تۇگەل قامتىلدى.
بىرىگىپ جۇرگىزىلگەن جۇمىستار ناتيجەسىندە بالا تاڭعى ساعات 5:30 شاماسىندا تابىلدى. ءتارتىپ ساقشىلارى ءوز قىزمەتتەرىن ءمىنسىز ورىنداپ, بالانى اناسىنا تاپسىردى. ءجاسوسپىرىمنىڭ ۇيدەن كەتۋ سەبەپتەرى انىقتالىپ جاتىر.
"كوپ جاعدايدا بالالاردى كەزەكشى تاۋلىكتە ىزدەپ تابامىز. بالانىڭ ءىسىن شالالىق دەۋگە دە بولادى. كوبىنە ولار دوستارىمەن ويناپ, كەتەتىن جاعىن اتا – اناسىن ەسكەرتپەي جاتادى. بۇگىنگى ءساتتى اياقتالعان ىزدەۋ جۇمىستارىنا قاتىسقانداردىڭ بارلىعىنا العىسىمدى بىلدىرەمىن",- دەيدى قازالى اۋداندىق پوليتسيا ءبولىمىنىڭ باستىعى, پوليتسيا پودپولكوۆنيگى ءسابيت ارىنوۆ.
