بارلىق وبلىستاعى قالالاردا 2018-2019 جىلدار ارالىعىندا كوشى-قون قىزمەتى ورتالىقتارى اشىلعان بولاتىن. سول جەردە ەڭبەك ميگرانتتارى ء"بىر تەرەزە" قاعيداسى بويىنشا ەڭبەك پاتەنتتەرىن راسىمدەپ كەلدى.
بۇل ورتالىقتاردا كوشى-قون, پد-ءنىڭ كريميناليستيكالىق قىزمەتى, مەملەكەتتىك كورپوراتسيانىڭ قىزمەتكەرلەرى, سونداي-اق مەديتسينالىق ۇيىمدار, ساقتاندىرۋ كومپانيالارى جانە ەكىنشى دەڭگەيلى بانكتەردىڭ قىزمەتكەرلەرى ورنالاسقان, ەلەكتروندى كەزەكتەر ەنگىزىلگەن. جۇمىستى وسىلايشا ۇيىمداستىرۋ ەڭبەك ميگرانتتارىنا رۇقسات راسىمدەۋ مەرزىمىن بىرنەشە كۇننەن 2-3 ساعاتقا دەيىن قىسقارتۋعا مۇمكىندىك بەردى جانە تۇرعىندارعا كورسەتىلەتىن مەملەكەتتىك قىزمەتتى الۋ بۇرىنعىسىنان دا ىڭعايلى بولا ءتۇستى.
ءىىم ازاماتتاردىڭ وڭ پىكىرلەرىن ەسكەرە وتىرىپ, "ازاماتتارعا ارنالعان ۇكىمەت" مەملەكەتتىك كورپوراتسياسىمەن بىرگە اعىمداعى جىلى ەلىمىزدەگى بارلىق حالىققا قىزمەت كورسەتۋ ورتالىقتارى ارقىلى ەڭبەك ميگرانتتارىنا پاتەنت راسىمدەۋ بويىنشا پيلوتتىق جوبانى جۇرگىزۋگە كىرىستى.
سول ءۇشىن حقكو-نىڭ اقپاراتتىق جۇيەسى ءىىم كوشى-قون قىزمەتىنىڭ جۇيەسىمەن بىرىكتىرىلدى. وسىلايشا ء«بىر تەرەزە» ارقىلى باستاپقى جانە ءازىر قۇجاتتاردى بەرۋدىڭ ءتارتىبى وڭتايلاندىرىلدى.
سونىڭ ناتيجەسىندە حقكو ارقىلى 18 مىڭ 500-دەن استام پاتەنت راسىمدەلىپ, بەرىلدى.
اعىمداعى جىلعى 1 قاراشادان باستاپ مەملەكەتتىك قىزمەتتى كورسەتۋدىڭ وسىنداي ءتاسىلىن بارلىق حقكو-دا پايدالانۋ جوسپارلانىپ وتىر.
