ايماقتار • 27 قازان، 2020

بوس جاتقان 665 مىڭ گەكتار جەر انىقتالدى

19 رەت كورسەتىلدى

وبلىستىڭ جەر جانە جەردى باقىلاۋ باسقارماسىنىڭ مالىمەتىنشە، بيىلعى جىل باسىنان بەرى وڭىرىمىزدە پايدالانىلماي كەلگەن 665 مىڭ گەكتار اۋىل شارۋاشىلىعى القاپتارى انىقتالعان، - دەپ جازادى Egemen.kz

قازىرگى كەزدە بۇل جەرلەردىڭ 134 مىڭ گەكتارى مەملەكەت مەنشىگىنە قايتارىلىپ، 258 مىڭ گەكتار جەر يگەرىلە باستادى. ال، 273 مىڭ گەكتار، ياعني وڭىردەگى اۋىل شارۋاشىلىق القاپتىڭ 4  پايىزى   ءالى بوس جاتىر. بۇل تۋرالى مەملەكەتتىك كىرىستەر ورگاندارىنا  پايدالانىلماي تۇرعان جەر القاپتارى تۋرالى مالىمەتتەر بەرىلدى. بۇدان باسقا سوت شەشىمىمەن كەپىل بەرۋشىنىڭ بەرەشەگىن وتەۋگە جاتاتىن، سونىڭ سالدارىنان پايدالانىلماي تۇرعان جەرلەردى اينالىمعا ەنگىزۋ ءۇشىن باسقارما مەن جەرگىلىكتى اكىمدىكتەر ينۆەستورلار تارتۋعا دايىندالۋدا. ناتيجەسىندە، بوس جاتقان جەرلەردىڭ اۋماعى 84 مىڭ گەكتاردان 65 مىڭ گەكتارعا دەيىن قىسقاردى.

باسقارماسى باسشىسىنىڭ ورىنباسارى بولات مەدەۋ ۇلىنىڭ ايتۋىنشا، پايدالانىلماي بوس جاتقان جەرلەردىڭ باسىم بولىگى ەرتىس، اقتوعاي جانە جەلەزين اۋداندارىنا تيەسىلى. نەگىزى، جەردى پايدالانۋشىلارمەن ءتۇسىندىرۋ جۇمىستارى قولدانىستاعى زاڭنامالارعا سايكەس جۇرگىزىلەدى. اكىمشىلىك جاۋاپكەرشىلىككە تارتۋ، جەر سالىعىنىڭ مولشەرلەمەسىن ارتتىرۋ شاراسى قولدانىلادى. بىراق، قارجى تاپشىلىعىنان كوكتەمگى دالا جۇمىستارىن اتقارۋعا مۇمكىندىگى از شارۋاشىلىقتار  ءوز ەرىكتەرىمەن باس تارتتى. ول جەرلەر ەندى مەملەكەت مەنشىگىنە وتەدى. مىسالى، وڭىردەگى ەرتىس اۋدانىندا كەپىلدىكتە تۇرعان 15 مىڭ گەكتار جەر جۋىردا قولدانىسقا بەرىلدى.

جەردىڭ  يەلەرى، ياڭني، جاڭا پايدالانۋشىلار بۇل جەردەگى توپىراقتى وڭدەپ، كەلەسى جىلى ەگۋدى جوسپارلاپ وتىر. ءدال وسىلاي اقتوعاي اۋدانىندا 3،5 مىڭ گەكتار جەر پايدالانۋعا بەرىلىپ، الداعى ۋاقىتتا تاعى 23 مىڭ گەكتار جەردى يگەرىلمەك.

وبلىستىڭ جەر پايدالانۋشىلارىنا الاڭداردى ءتيىمدى پايدالانۋ ءتارتىبى، قولدانىستاعى جاۋاپكەرشىلىك شارالارى، ونىڭ ىشىندە ايىپپۇل ( «اكىمشىلىك قۇقىق بۇزۋشىلىق تۋرالى» كودەكسىنىڭ 338 بابى) جانە پايدالانىلماعان جاعدايدا جەر سالىعىن 10 ەسە ارتىق تولەۋ تۋرالى، «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسىنىڭ 509 بابى) تۋرالى زاڭ تالاپتارى ءتۇسىندىرىلدى.

"اۋىل شارۋاشىلىعى جەرلەرىن پايدالانۋ تيىمدىلىگىن ارتتىرۋ ء ۇشىن  وبلىستاعى قالالىق جانە اۋداندىق اكىمدىكتەرمەن بىرلەسىپ، بەلسەندى جۇمىس جۇرگىزىلۋدە.ماقسات – شارۋا قوجالىقتارىنىڭ يەلەرىن جەرلەردى ۇتىمدى پايدالانۋعا ىنتالاندىرۋ جانە ولاردىڭ تۇرىپ قالۋىنا جول بەرمەۋ"،-دەيدى باسقارما ماماندارى

پاۆلودار وبلىسى

 

 

سوڭعى جاڭالىقتار

2021 جىلعى ورازا كەستەسى

رۋحانيات • بۇگىن، 15:36

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

ۇقساس جاڭالىقتار