جوبانىڭ ماقساتى ازاماتتىق قوعام وكىلدەرىنە بيۋدجەت قاراجاتىن جوسپارلاۋ مەن جۇمساۋدا قوعامدىق ساراپتاما جۇرگىزۋ ماسەلەلەرىندە, سونداي-اق جەكە قارجىنى ساۋاتتى جوسپارلاۋدا جاردەمدەسۋ.
وسىلايشا, جوبا ىسكە قوسىلعان ساتتەن باستاپ اشىق بيۋدجەتتەردىڭ ينتەراكتيۆتى كارتاسى ارقىلى قوعامدىق باقىلاۋشىلار تاۋارلاردى, جۇمىستار مەن قىزمەتتەردى شەكتى دەڭگەيىنەن جوعارى قۇنى بويىنشا ساتىپ الۋدى انىقتاپ, ولاردىڭ ىسكە اسىرىلۋىن توقتاتتى.
ناتيجەسىندە, ەلىمىزدىڭ 8 وڭىرىندە ۇنەمدەلگەن قاراجات سوماسى شامامەن 33 ملن تەڭگەنى قۇرادى.
بيۋدجەت قاراجاتىنىڭ ءتيىمسىز پايدالانىلۋىن انىقتاۋدىڭ جەكەلەگەن كەيستەرى اگەنتتىكتىڭ اۋماقتىق دەپارتامەنتتەرىنىڭ الەۋمەتتىك جەلىلەردەگى رەسمي پاراقشالارىندا تىكەلەي ەفيرلەر بارىسىندا تالدانۋدا.
جالپى, مەملەكەتتىك ورگاندار وكىلدەرى, تاجىريبەلى زاڭگەرلەر مەن جۇرتشىلىقتان قۇرىلعان 25-تەن استام ساراپشىنىڭ قاتىسۋىمەن بيۋدجەت قاراجاتىن جۇمساۋ تيىمدىلىگىنىڭ مونيتورينگى جانە دەربەس قارجىلىق ساۋاتتىلىقتى ارتتىرۋ بويىنشا 50 ونلاين-كەڭەس ءوتتى.
سونىمەن قاتار, بيۋدجەت قاراجاتىنىڭ جۇمسالۋىنا قوعامدىق ساراپتاما جۇرگىزۋگە ازاماتتاردى كەڭىنەن تارتۋ ءۇشىن وڭىرلىك كاسىپكەرلەر پالاتاسى, قوعامدىق كەڭەس, كاسىپوداق ۇيىمدارى, «NurOtan» پارتياسى جانە ارنايى مونيتورينگتىك توپتاردىڭ وكىلدەرىنەن جالپى سانى 83 بەلسەندى ازامات باستاعان «اشىق بيۋدجەت» وڭىرلىك كلۋبتارى قۇرىلدى.
ءاربىر نيەت ءبىلدىرۋشى اشىق بيۋدجەتتەردىڭ ينتەراكتيۆتى كارتاسى ارقىلى (publicbudget.kz) بيۋدجەت قاراجاتىنىڭ ماقساتقا ساي پايدالانىلۋىنا قوعامدىق ساراپتاما جۇرگىزۋگە تىكەلەي قاتىسىپ, ەلدەگى جەمقورلىق دەڭگەيىن تومەندەتۋگە ءوز ۇلەسىن قوسا الادى.
