ءوڭىردىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىندا جاستار پراكتيكاسىنا ەرەكشە نازار اۋدارىلادى, ونىڭ شەڭبەرىندە جاس ماماندار تاجىريبە الۋ ءۇشىن وندىرىسكە جىبەرىلەدى.
"جىل باسىنان بەرى جاستار پراكتيكاسىنا 2 916 ادامدى جىبەردىك. باستاپقى تاجىريبەنى العاننان كەيىن جاس ماماندار تاعىلىمدامادان وتكەن ۇيىمداردا جۇمىس ىستەۋگە قالادى نەمەسە وزدەرى سۇرانىسقا يە جەرلەرگە, بىراق ءبىرشاما ءبىلىم جيناقتاپ جانە ۇسىنىمدارمەن بارادى", – دەپ حابارلادى اقتوبە وبلىسىنىڭ جقۇابب باسشىسى بۇلبۇل ەلەۋسىنوۆا.
كەڭەسارى تىلەۋجان اقتوبە اۋىل شارۋاشىلىعى كوللەدجىن ينجەنەر-ەلەكتريك ماماندىعى بويىنشا بىتىرگەن سوڭ جاستار پراكتيكاسىنان وتكەن "ايتەكە بي ەنەرگوجۇيەسى" اق-دان تۇراقتى جۇمىسقا ورنالاسۋ تۋرالى ۇسىنىس الدى.
س. بايىشەۆ اتىنداعى اقتوبە ۋنيۆەرسيتەتىنىڭ پەداگوگيكا فاكۋلتەتىنىڭ تۇلەگى كوركەمجان ەسكەندىروۆا باستاپقى جۇمىس تاجىريبەسىن الۋ ءۇشىن جاستار پراكتيكاسىنا جىبەرىلدى, سودان كەيىن بويجەتكەندى قالا مەكتەپتەرىنىڭ بىرىنە جۇمىسقا ورنالاستىردى.
اقتوبە وبلىسىنىڭ جقۇاب باسقارماسىنىڭ مالىمەتىنشە, اعىمداعى جىلدىڭ 9 ايىندا "ەڭبەك" مەملەكەتتىك باعدارلاماسىنا 42,7 مىڭنان استام ادام قاتىستى. 34,8 مىڭ ادام جۇمىسقا ورنالاستىرىلدى, ونىڭ ىشىندە 23,5 مىڭى – تۇراقتى جۇمىسقا, 9,5 مىڭى – قوعامدىق جۇمىستارعا جانە 1778 ادام سۋبسيديالاناتىن جۇمىس ورىندارىنا تارتىلدى. 1093 ازامات گرانت جانە 632 ادام ءوز ءىسىن دامىتۋعا ميكروكرەديت الدى. 758 ازامات قىسقا مەرزىمدى كاسىپتىك وقىتۋدان, ال 1085 ادام كاسىپتىك-تەحنيكالىق وقىتۋدان ءوتتى. 1400 ادام "باستاۋ بيزنەس" جوباسىنىڭ قاتىسۋشىسى بولدى, ونىڭ 755-ءى ءوز ءىسىن دامىتۋعا گرانت الدى.
بۇدان بۇرىن حابارلانعانداي, بيىلعى جىلى قازاقستان بويىنشا "ەڭبەك" باعدارلاماسىنا 526 مىڭنان استام ادام قاتىسىپ, ءتۇرلى قولداۋ تۇرلەرىمەن قامتىلدى. 338,2 مىڭ ادام جۇمىسقا ورنالاستىرىلدى, ونىڭ ىشىندە 189,4 مىڭى تۇراقتى جۇمىسقا, مەملەكەت سۋبسيديالايتىن جۇمىس ورىندارىنا 187,3 مىڭ ادام جۇمىسقا ورنالاستىرىلدى, 9,6 مىڭ ادامعا جەڭىلدىكتى كرەديت جانە 38 مىڭ ادامعا قايتارىمسىز گرانت بەرىلدى, "باستاۋ بيزنەس" جوباسى بويىنشا كاسىپكەرلىك نەگىزدەرىنە قىسقا مەرزىمدى وقىتۋدان 33,2 مىڭ ادام ءوتتى.
