"بەلگىسىز ايەل وبلىس ورتالىعىنداعى "قازاقستان" كوشەسىندەگى پاتەردى جالعا بەرەمىن دەپ ونىڭ اقشاسىن يەمدەندى. ءبىر-ەكى كۇننەن كەيىن تالدىقورعان قالاسىنىڭ 26 جانە 42 جاستاعى تاعى ەكى تۇرعىنى وسىنداي ارىزبەن جۇگىندى. ولار دا تۇرعىن ءۇيدى جالعا الۋ ءۇشىن وعان الدىن الا تولەم تولەگەندەرىن ايتتى", - دەپ حابارلادى تالدىقورعان قالاسى پب باتىس قپب باستىعى پوليتسيا مايورى ايدىن ادەنباەۆ.
جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە ءتارتىپ ساقشىلارى الاياقتىق جاساعانى ءۇشىن بىرنەشە رەت جاۋاپقا تارتىلعان جانە سوتتالعان الماتى وبلىسىنىڭ 23 جاستاعى تۇرعىنى يرينا كيم ەسىمدى كۇدىكتىنى انىقتاپ, ۇستادى. ول بۇلتارتپاس ايعاقتاردىڭ ارقاسىندا جوعارىدا اتالعان قىلمىستاردى جاساعانىن مويىندادى. كۇدىكتىنىڭ قالاداعى ەليتالىق اۋدانداردا جالعا بەرىلەتىن ارزان تۇرعىن ءۇيدى تاپسىرۋ تۋرالى حابارلاندىرۋ بەرىپ, ءوز قۇرباندارىن سايتتان تاپقانى بەلگىلى بولدى. پاتەر قۇنىنىڭ ارزاندىعىنا قىزىعىپ, قوڭىراۋ شالعان ادامدارعا قازىر جولدا ەكەنىن جانە كەلگەن سوڭ پاتەر كىلتىن تاپسىراتىنىن ايتقان. سوندىقتان, ولاردان پاتەر تولەماقىسىنىڭ الدىن الا تولەمىن بانك كارتاسىنا اۋدارۋىن سۇراعان. الدانعان جالعا الۋشىلار الاياق ارۋدى ۇزاعىنان كۇتكەن.
ء"ۇش دەرەك بويىنشا قر قك 190-بابى 3-بولىگى 3,4-تارماعى بويىنشا قىلمىستىق ءىس قوزعالدى. كۇدىكتى قاماققا الىندى. الاياقتىڭ ارەكەتىنەن زارداپ شەككەندەردىڭ بارلىعىن 25-01-51 جانە 8 777 780 2313 تەلەفوندارى بويىنشا حابارلاسۋدى سۇرايمىن", - دەپ تولىقتىردى پوليتسيا مايورى ايدىن ادەنباەۆ.
