18 قاراشا كۇنى ەۋرو وداقتىڭ سىرتقى ىستەر مينيسترلەرى كەڭەسى بەلگيا استاناسى بريۋسسەلدە «ۋكراينا ماسەلەسىن» قاراستىردى. بۇل تۋرالى Izvestia.ru حابارلادى.
ەۋروپالىقتار ۆيلنيۋستا وتەتىن «شىعىس ارىپتەستىگى» سامميتىنە دەيىن ەۋرو وداقپەن اسسوتسياتسيا جونىندەگى كەلىسىمگە قول قويۋ ءۇشىن كيەۆتىڭ قاجەتتى شارتتاردى ورىنداپ ۇلگەرەتىنىنە كوز جەتكىزبەك. ول شارتتاردىڭ باستىسى – ەكس-پرەمەر يۋليا تيموشەنكو ماسەلەسىنىڭ شەشىلۋى. بۇدان بۇرىن ولار كيەۆكە ەۋرو وداقتىڭ اسسوتسياتسياعا قول قويۋ ۋاقىتىن ۇزارتۋ ءۇشىن سامميت كۇن تارتىبىنە سوڭعى رەت تۇزەتۋلەر ەنگىزەتىنىن ەسكەرتكەن بولاتىن. الايدا, سىرتقى ىستەر مينيسترلەرىنىڭ كەڭەسى ەكس-پرەمەر ماسەلەسىنىڭ شەشىلمەۋىنە بايلانىستى ۋكرايناداعى ەۋروينتەگراتسيا پروتسەسىن توقتاۋعا باتا قويمادى. دەگەنمەن, ولار بۇل ارەكەتكە كەز-كەلگەن ۋاقىتتا بارا الاتىنىن مالىمدەدى.
وتكەن اپتادا ۋكراينا جوعارعى راداسىنىڭ دەپۋتاتتارى كەزەكتەن تىس پلەنارلىق وتىرىس وتكىزگەنىمەن, ەۋروينتەگراتسيالىق زاڭ جوبالارىن سول كۇيى قابىلداي المادى.
ايدار ورىسباەۆ.
