وسىلايشا, شەتەلدەن قازاقستانعا اۆيارەيستەرمەن كەلەتىن ادامدارعا قاتىستى شەكتەۋ شارالارى بىلايشا وزگەرتىلدى:
- شەتەلدەن قازاقستانعا اۆيارەيستەرمەن كەلگەن بارلىق ادامدار (5 جاسقا دەيىنگى بالالاردى, ولاردى الىپ جۇرەتىن ادامداردا انىقتاما بولعان كەزدە; قر ۇكىمەتتىك دەلەگاتسيالارىن; قر ءسىم شاقىرۋى بويىنشا كەلەتىن شەت مەملەكەتتەر مەن حالىقارالىق ۇيىمداردىڭ رەسمي دەلەگاتسيالارىنىڭ مۇشەلەرىن; قر-دا اككرەديتتەلگەن ديپلوماتيالىق وكىلدىكتەردىڭ, كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرىن جانە ولاردىڭ وتباسى مۇشەلەرىن; اۋە كومپانيالاردىڭ ەكيپاجدارىن قوسپاعاندا) تەرمومەتريادان, ساۋالنامادان وتەدى جانە قر مەملەكەتتىك شەكاراسىن كەسىپ وتكەن ساتتە 3 تاۋلىكتەن ەرتە ەمەس ىرىكتەلگەن پتر ادىسىمەن COVID-19-عا تەستىلەۋدەن وتكەنى تۋرالى انىقتامانى (بۇدان ءارى – انىقتاما) ۇسىنادى.
- حالىقارالىق ترانزيتپەن جۇرەتىن جولاۋشىلار ترانزيتتىك ايماقتان شىقپايدى جانە سوڭعى مەجەلى پۋنكتتە شەكتەۋ شارالارىن جۇرگىزۋگە جاتادى.
- دەنە قىزۋى نورمانىڭ شەگىندە كەلگەن, انىقتامانى ۇسىنعان ادامدارعا ءتيىستى قولحات الا وتىرىپ, covid-19 ىقتيمال بەلگىلەرى تۋرالى ءتۇسىندىرۋ جۇرگىزىلەدى, ولار بەلگىلەنگەن جەرى بويىنشا ءجۇرۋدى جالعاستىرادى.
- دەنە قىزۋى جوعارى كەلگەن ادامدار انىقتامانىڭ بولۋىنا قاراماستان ينفەكتسيالىق ستاتسيوناردا وقشاۋلانۋعا جاتادى.
- قر-عا كەلگەن ازاماتتار, قازاقستان رەسپۋبليكاسىنىڭ اۋماعىندا تۇرۋعا ىقتيارحاتى بار ادامدار انىقتاما بولماعان كەزدە پتر ادىسىمەن covid-19-عا زەرتحانالىق تەكسەرۋ ءۇشىن كارانتيندىك ستاتسيونارعا 2 تاۋلىككە وقشاۋلاۋعا جاتادى. Covid-19-عا زەرتحانالىق تەكسەرۋ ناتيجەلەرىن العاننان كەيىن COVID-19-عا تەرىس ناتيجەسى بار كەلگەن ادامدارعا ءتيىستى قولحات الا وتىرىپ, COVID-19 ىقتيمال بەلگىلەرى تۋرالى ءتۇسىندىرۋ جۇرگىزىلەدى. COVID-19-عا وڭ ناتيجەمەن كەلگەن ادامدار ينفەكتسيالىق ستاتسيونارعا جاتقىزىلادى.
وسى قاۋلى 2020 جىلعى 27 قازان ساعات 00-دە كۇشىنە ەنەدى.
قازاقستاننىڭ تۋريستىك كومپانيالارى ءوز قىزمەتى بارىسىندا باسشىلىققا الۋى جانە كۇتپەگەن جاعدايلاردى بولدىرماۋ ءۇشىن سىرتتان كەلەتىن تۋريستەرگە قويىلاتىن جوعارىدا كورسەتىلگەن تالاپتاردى ەسكەرۋى قاجەت.
