ء"بىز وندىرىستىك مۇمكىندىكتەرىمىزدى جانە الەمدىك ساۋدا نارىعىن تالدادىق. ەكسپورتتى ارتتىرۋ ءۇشىن جالپى سوماسى 13,4 ملرد دوللاردان اساتىن 16 نەعۇرلىم پەرسپەكتيۆالى سەكتور انىقتالدى. تەورياداعى سانداردى ناقتى وندىرىستەگى كورسەتكىشتەرگە, كەلىسىمشارتتارعا جانە باسىمدى ەكسپورتتىق نارىقتارعا جەتكىزۋ اكانالدارىنا اينالدىرۋ ءۇشىن قازىر بارلىق سالالىق قاۋىمداستىقتارمەن, كاسىپورىندارمەن بەلسەندى جۇمىس ىستەپ جاتىرمىز", - دەدى مينيستر.
ول ءار ەل ءۇشىن ءوز تاۋارلارىنىڭ ءتىزىمى قۇرىلعانىن ايتتى.
"مىسالى, جۋىردا جەنەۆادا ارىپتەستەرىمىزبەن كەزدەستىك. وتكەن جىلى ءبىز 104 تاۋار ءتۇرىن ۇسىنساق, ءبىر جىلدىڭ ىشىندە جۇرگىزىلگەن جۇمىستاردىڭ ناتيجەسىندە ناقتىلادىق, ولاردىڭ قاۋىمداستىقتارىمەن جۇمىس ىستەدىك, 40 جۋىق تاۋاردى وڭتايلاندىردىق, بىراق مۇمكىندىكتەرىمىزدى ناقتىلادىق", - دەدى ۆەدومستۆو باسشىسى ەكسپورتتىق تاۋارلاردىڭ قۇنى 275 ملن دوللاردى قۇرايتىنىن اتاپ ءوتىپ. بۇل مۇناي-حيميا, تاماق ونەركاسىبى, ماشينا جاساۋ, مەتاللۋرگيا ونىمدەرى جانە قۇرىلىس تاۋارلارى.
