وبلىستىق پوليتسياعا دەپارتامەنتىنىڭ مالىمەتىنشە, پاۆلودار - شارباقتى تاسجولىندا جولاۋشىلار وتىرعان "گازەل" اۋدارىلعان. كولىكتى 57 جاستاعى ەر ادام باسقارعان. ول كولىكتىڭ تىزگىنىنە يە بولا الماي قالعان.
اپات ورنىنان ەكى جولاۋشىنى تۋىستارى الىپ كەتكەن. ونىڭ ءبىرى كەيىن ۇيىنە مەديتسينا قىزمەتكەرلەرىن شاقىرعان. ايەل بەل ومىرتقاسىنان جاراقات العان. ول اۋرۋحاناعا جاتقىزىلىپتى.
سونداي-اق, جەدەل جاردەم قىزمەتى جول اپاتىنان زارداپ شەككەن قىزدى اۋرۋحاناعا جەتكىزگەن.
"19 جاستاعى قىز باس جاراقاتىن العان, ميى شايقالعان, شىنتاعىنىڭ بۋىنى ۇزىلگەن, جامباس سۇيەگى سىنعان", دەلىنگەن وبلىستىق دەنساۋلىق ساقتاۋ باسقارماسى تاراتقان حابارلامادا.
وبلىستىق پوليتسيا دەپارتامەنتى وقيعانىڭ ءمان-جايىن انىقتاپ جاتىر. قازىرگى تاڭدا "گازەل" كولىگى ايىپتۇراققا قويىلعان.
