سۋرەتتى تۇسىرگەن اۆتور
جەر-جەرلەردە بۇقارالىق سپورتتى دامىتۋ تۋرالى ەل پرەزيدەنتى قاسىم-جومارت توقاەۆ حالىققا جولداۋىندا: «بۇقارالىق سپورتقا, دەنە تاربيەسىنە جانە بالالارعا باسىمدىق بەرۋ كەرەك. ءار وبلىستا, ءىرى اۋدان ورتالىقتارىندا سپورت ۇيىرمەلەرىن اشۋ قاجەت» دەگەن ەدى.
ال قاينار اۋىلىنىڭ بالالارىنا قۋانىش سىيلاعان ابرالىلىق سوعىس ارداگەرى قايروللا بازىلبەك ۇلىنىڭ ۇرپاقتارى ەدى. ولار «تۋعان جەرگە تاعزىم» اكتسياسى اياسىندا جاس ورەندەرگە سالاماتتى ءومىر سالتىن ۇستانسىن دەگەن نيەتپەن سپورت الاڭىن سالىپ بەرۋگە ۇلكەن ۇلەستەرىن قوستى.
– اۋىلىمىزعا قالاداعىداي «street workout» سالىنعانىنا ريزامىز. بالالار ۋاقىتتارىن ءتيىمدى وتكىزۋ ءۇشىن جاسالىپ جاتقان مۇمكىندىك بۇل. بارىمىزگە قۋانىش سىيلاعان دەمەۋشىلەر اۋلەتىنە راقمەتىمدى ايتامىن, – دەيدى مەكتەپ وقۋشىسى نافيسا سەرىكقاليەۆا.
قاينار اۋىلىنىڭ ورتالىق كوشەسىنەن اشىلعان سپورت الاڭىنا تەننيس ۇستەلى, ءتۇرلى تۋرنيكتەر قويىلدى. كەلەسى جىلدارى «street workout» ءالى دە كەڭەيە تۇسەتىن كورىنەدى. 337 ءۇيلى اۋىلدا سونىمەن قاتار فۋتبول الاڭى, مادەنيەت ءۇيىنىڭ ىشىندە ترەناجەر زالى بار. ۆولەيبول, باسكەتبول جاقسى دامىپ كەلەدى. جاس جاتتىقتىرۋشى ەرنۇر الىمجان ۇلى باسكەتبولدان ۇيىرمە ۇيىمداستىرىپ, كەلەشەك سپورتشىلاردى شىنىقتىرىپ ءجۇر. الداعى ۋاقىتتا كۇرەستەن دە سەكتسيا اشىلۋى مۇمكىن.
شىعىس قازاقستان وبلىسى
قاينار اۋىلى
