"22 قازاندا اتىراۋ قالاسىندا جاسىرىن توي جاساعان ەكى دەرەك انىقتالدى. يندەر اۋدانىندا وسىنداي ەكى دەرەك تىركەلىپتى. سوڭعى ءۇش كۇندە, ياعني 20-22 قازاندا جۇرگىزىلگەن رەيد كەزىندە 2273 نىسان تەكسەرىلدى.
ال, 11 شىلدەدەن بۇگىنگە دەيىن تۇرعىندار 70 وتباسىلىق شارا جاسىرىن وتكىزگەن. اتىراۋ وبلىسىندا سانيتارلىق تالاپتاردىڭ ساقتالۋىن باقىلايتىن مونيتورينگتىك توپ تاراتقان اقپاراتقا سايكەس, توي, ساداقا وتكىزۋدەن العاشقى ۇشتىكتى اتىراۋ قالاسى, جىلىوي مەن قىزىلقوعا اۋدانى باستاپ تۇر", دەپ حابارلادى وڭىرلىك كوممۋنيكاتسيالار قىزمەتى.
رەيد كەزىندە 75 كافە, مەيرامحانا سىندى قوعامدىق تاماقتانۋ ورىندارىنىڭ شەكتەۋ شارالارىن ەلەمەي, جۇمىس ىستەگەنى بەلگىلى بولدى. ونىڭ 67-ءسى اتىراۋ قالاسىندا, بەسەۋى جىلىوي اۋدانىندا تىركەلىپ وتىر. ال 102 ازىق-ت ۇلىك دۇكەنىندە بەكىتىلگەن ۋاقىتتان كەيىن دە تۇتىنۋشىلارعا ساۋدا جاسالعانى انىقتالدى.
