كۇزگى تەكسەرۋ ادەتتە قازان ايىندا باستالادى. ول نولدىك تەمپەراتۋرا بولعانعا دەيىن جانە قار جامىلعىسى تۇسپەي جاتىپ جۇزەگە اسۋى ءتيىس. شارا "قازاۆتوجول" ۇك" اق وبلاستنىح فيليالدارى, "قازاقاۆتوجول" جشس جانە قر ءىىم اكىمشىلىك پوليتسيا كوميتەتىنىڭ وبلىستىق دەپارتامەنتتەرىنىڭ كۇشىمەن جۇرگىزىلەدى. ماماندار تاسجولداردىڭ جايعدايى مەن قوزعالىس قارقىنىن زەرتتەپ, قىستا قاردان قورعايتىن قالقانداردى ورناتاتىن ورىنداردى بەلگىلەيدى.
ايتا كەتەيىك, بيىل كوكتەمگى تەكسەرۋدىڭ قورىتىندىسى بويىنشا بەكىتىلگەن كەشەندى-ماقساتتى باعدارلاماعا سايكەس, جولشىلار شۇرىق-تەسىك, ويقى-شويقى جولدىڭ 628 مىڭ شارشى مەترىن جوندەگەن. 141 مىڭ شارشى مەتر جول دا تەگىستەلدى. بۇدان بولەك, "قازاقاۆتوجول" كومپانياسىنىڭ ماماندارىمەن 19 مىڭنان استام جول بەلگىلەرى, 503 پاننو, 409 جارىقديوتتى جول بەلگىسى جانە كوپىرلەردەگى قورشاۋلاردىڭ 2678 مەترى ورناتىلىپ, الماستىرىلعان.
سونداي-اق 176 كولىك پاۆيلونى مەن دەمالىس الاڭىنا جوندەۋ جۇرگىزىلدى. ال 4800 شارشى مەتر جولعا شۋ جولاقتارى ورناتىلدى.
ماماندار شاقىرىمدىق بەلگىنىڭ 3288 بىرلىگى مەن 34 مىڭ دابىل باعاناسىن قۇرعان. جولشىلار, سونداي-اق 53 مىڭ مەتردەن استام قورشاۋ ورناتىپ, جوندەگەن. ال جولدىڭ 34 مىڭ شاقىرىمىنا ءجۇرىس بولىگى سىزىعى بەلگىلەندى.
