ء"بىز باس رەداكتورلارمەن بىرنەشە رەت كەزدەسۋ وتكىزدىك, باق-تى دامىتۋ ماسەلەلەرى بويىنشا دوڭگەلەك ۇستەلدەر ۇيىمداستىرىلدى. ءدال سول جەردە مەملەكەتتىك اقپاراتتىق تاپسىرىسقا قاتىستى بارلىق پروبلەمالىق ماسەلەلەر ايتىلدى. بارلىق پروبلەمالىق ماسەلەلەردى ەسكەرە وتىرىپ, مەملەكەتتىك اقپاراتتىق تاپسىرىستى قالىپتاستىرۋ مەن ۇلەستىرۋدىڭ جاڭا ەرەجەلەرىن ازىرلەۋ اياقتالىپ قالدى. جۇمىس توبىنىڭ قۇرامىنا بارلىق باق ەندى, كۇن سايىن ولارمەن كونسۋلتاتسيالار وتكىزىلەدى. ماقساتىمىز قانداي؟ ءبىرىنشى كەزەكتە, ءبىز باق ونىمدەرىنىڭ باعا ساياساتىن وزەكتەندىرۋ ءۇشىن ماركەتينگتىك زەرتتەۋلەر جۇرگىزەمىز. سونداي-اق, اناليتيكالىق ماتەريالداردىڭ كوپ بولۋىن جانە ولارعا كوپ قاراجات جۇمساۋدى قامتاماسىز ەتۋ باعىتىندا جۇمىس ىستەيمىز. بۇگىنگى جاعدايدى ەسكەرە وتىرىپ, مۋلتيمەديالىق ونىمدەردى كوبەيتۋگە تىرىسامىز", - دەدى اقدم باسشىسى.
جۇمىس توپتارى قىزمەتىنىڭ ناتيجەلەرى جانە مەملەكەتتىك اقپاراتتىق تاپسىرىستى قالىپتاستىرۋ مەن ۇلەستىرۋدىڭ جاڭا تاسىلدەرى بريفينگ بارىسىندا جەكە ايتىلادى.
ال "باق تۋرالى» زاڭنىڭ جاڭا رەداكتسياسىنا كەلەر بولساق, زاڭ جوباسى كەلەسى جىلى عانا دايىن بولادى. "ەگەمەن قازاقستاننىڭ ەڭ العاشقى زاڭى ء"باسپاسوز تۋرالى" بولدى, كەيىن قولدانىستاعى زاڭ پايدا بولدى, ول 1999 جىلى قابىلداندى. وسى جىلدار ىشىندە 45 تۇزەتۋ ەنگىزىلدى. بىراق بۇل جەتكىلىكسىز, ويتكەنى قازىرگى زامانعى سىن-قاتەرلەر, كوممۋنيكاتسيانىڭ جاڭا قۇرالدارى, جاڭا ۇعىمدار پايدا بولدى. جاڭا تۇجىرىمدامادا تۇجىرىمدامالىق اپپاراتتى انىقتاۋىمىز كەرەك.
زاڭ جوباسى جۋرناليستەردىڭ, اسىرەسە جاڭادان پايدا بولعان كوممۋنيكاتسيا قۇرالدارىنىڭ مارتەبەسىن, قۇقىقتارى مەن مىندەتتەرىن جانە "بلوگەر" تۇسىنىگىن انىقتاۋعا باعىتتالادى", - دەپ اتاپ ءوتتى بالاەۆا باستاماشىل ازاماتتاردى قۇجاتتى بەلسەندى تالقىلاۋعا جانە ۇسىنىس جاساۋعا شاقىرا وتىرىپ.
