ايماقتار • 23 قازان، 2020

جازاسىن وتەپ كەلىپ، شارۋا قوجالىعىن اشتى

1439 رەت كورسەتىلدى

اقتوبە وبلىسى بويىنشا قىلمىستىق-اتقارۋ جۇيەسى دەپارتامەنتىنە قاراستى مۇعالجار اۋداندىق №1 پروباتسيا قىزمەتىنىڭ ەسەبىندە تۇرعان دانيار سالاماتوۆ  مەملەكەتتىك باعدارلاما بويىنشا قايتارىمسىز گرانتقا قول جەتكىزدى، دەپ حابارلايدى ەgemen.kz.

تۇزەتۋ مەكەمەسىندە جازاسىن وتەي ءجۇرىپ، تارتىبىنە بايلانىستى   شارتتى تۇردە مەرزىمىنەن بوساعان جاس جىگىت بوستاندىققا شىققان بويى  كاسىپكەرلىكپەن اينالىسۋعا شەشىم قابىلداعان.  جاستىق قىزۋلىقپەن  قاتەلىككە ۇرىنىپ، ومىردەن اششى ساباق العان دانيار وسى كۇنى  "ادال ەڭبەك قانا ادامدى تۇزەتەدى" دەگەن تۇجىرىمعا كەلگەن.  ول ءجاسوسپىرىم كەزىندە وزىنە  دۇرىس باعدار كورسەتەتىن جاننىڭ تابىلماعانىنا قاپالانادى.

- قىلمىستىق جاۋاپكەرشىلىككە تارتىلىپ، سوتتالىپ، تۇزەۋ مەكەمەسىندە جازامدى وتەپ جۇرگەندە، تارتىبىمە بايلانىستى شارتتى جازاعا اۋىستىرىلدىم دا، بوستاندىققا شىققان سوڭ  مۇعالجار اۋداندىق پروباتسيا قىزمەتىنىڭ  ەسەبىنە الىندىم. مىنە، وسى كەزدەن باستاپ پروباتسيا قىزمەتكەرلەرى ماعان كاسىپكەرلىكپەن اينالىسۋعا ۇسىنىس بەرىپ،  جولىن كورسەتتى، دەيدى دانيار سالاماتوۆ. 

"اتامەكەن" ۇلتتىق كاسىپكەرلەر پالاتاسىنىڭ  "باستاۋ بيزنەس" باعدارلاماسى بويىنشا  كاسىپكەرلىك نەگىزدەرىنە وقىپ،  جوباسىن ءساتتى قورعاپ شىعىپ، كوكتەمدە  441 مىڭ 500 تەڭگە  قايتارىمسىز گرانت العان بويى دانيار وعان  ەكى سيىر ساتىپ الادى. بۇل جەردە  دانياردىڭ كەلىنشەگى  ەرىنە قولداۋ كورسەتىپ، كومەككە كەلگەن.  كوكتەمدە مال تولدەگەندە، كەلىنشەگى  سيىر ساۋىپ، ودان قۇرت، ماي، ىرىمشىك جاساپ، جاز بويى ساتىلىمعا شىعارادى.

ەكى باس  مالىمىز  قازىر ءتورت باسقا  كوبەيدى. مەن دە جاز بويى اۋىلدا ءشوپ ورىپ، مالدىڭ قىستىق ازىعىن ءوزىم دايىندادىم. ەندى الداعى كوكتەمدە شارۋاشىلىعىمدى ودان ءارى كەڭەيتسەم دەگەن جوسپارىم بار. ويتكەنى، كەزىندە دانەكەرلەۋشى ماماندىعىن وقىپ بىتىرگەنمىن. قورا سوعۋ، تاعى باسقا اۋىل ءۇيدىڭ شارۋاسىن ءوزىم رەتتەيمىن. جوبانى قورعاۋ كەزىندە ءىرى قارا مالىنىڭ باسىن كوبەيتكىم كەلەتىنىن دە  ايتقان بولاتىنمىن. سوندىقتان، مەنىڭ نەگىزگى ماقساتىم –  ت ۇلىكتىڭ وسى باسىن كوبەيتىپ،  جەكە قوجالىق اشۋ. شارۋام العا باسسا، ء وزىم سەكىلدى ەسەپتە تۇرعان ازاماتتاردى جۇمىسقا قابىلداسام دەيمىن. كەزىندە  تۇزەتۋ مەكەمەسىنەن شىققان سوڭ قايدا بارارىمدى بىلمەي باسىم قاتقان ساتتەردە ماعان  قولداۋ كورسەتكەن مۇعالجار اۋداندىق №1 پروباتسيا قىزمەتىنە العىسىم شەكسىز، دەيدى  دانيار.

جاس جىگىتتىڭ مىنەز-قۇلقىنا پروباتسيا قىزمەتىنىڭ ينسپەكتورى دا وڭ باعاسىن بەردى.

– ەسەپتە تۇرعان دانيار پروباتسيا ۇيىمداستىرعان قوعامدىق جۇمىستارعا بەلسەندى ارالاسادى. جاۋاپكەرشىلىگى جوعارى. بەرگەن ۋادەسىن ورىندايدى، ءبىرسوزدى، دەيدى مۇعالجار اۋداندىق №1 اۋداندىق پروباتسيا قىزمەتى ءبولىمىنىڭ اعا ينسپەكتورى  گۇلسەزىم ەشماعامبەتوۆا. 

دانيار قوسىمشا جۇمىس رەتىندە اۋىل مەكتەبىنىڭ  قازاندىعىن جاعىپ، قوسىمشا تابىس تا تاۋىپ وتىر. بۇل ءسابيلى بولعان جاس وتباسىعا ەداۋىر كومەك. اتالعان ماۋسىمدىق جۇمىسقا ەسەپتە تۇرعان ازاماتتى  مۇعالجار اۋداندىق №1 پروباتسيا قىزمەتىنىڭ ينسپەكتورلارى ورنالاستىرعان بولاتىن، دەيدى اقتوبە وبلىسى بويىنشا قاج دەپارتامەنتىنىڭ ءباسپاسوز حاتشىسى گۇلفايرۋز تورەمۇراتوۆا.

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار