ء"بىزدىڭ مينيسترلىككە قاتىستى ايتار بولسام, دوڭگەلەك ۇستەل مەن وتىرىستىڭ ءبارى دە الەۋمەتتىك جەلىلەر ارقىلى تىكەلەي ەفيردەن كورسەتىلەدى. مەنىڭ ويىمشا باسقا دا مەملەكەتتىك ورگاندار ءوز جۇمىسىن ونلاين-رەجيمدە وتكىزۋگە تىرىسىپ ءجۇر. سول سەكىلدى ۇلتتىق قوعامدىق سەنىم كەڭەسىنىڭ وتىرىسى دا ونلاين ترانسلياتسيا ارقىلى بەرىلدى. وسى ۇلگى بويىنشا باسقا دا مەملەكەتتىك ورگاندار جۇمىس جۇرگىزەر دەگەن ويدامىن", دەدى ايدا بالاەۆا وكق-دا وتكەن ءباسپاسوز ءماسليحاتىندا.
مينيسترگە ءباسپاسوز ءماسليحاتى بارىسىندا تىلشىلەر ءماسليحاتتاردىڭ وتىرىستارىنا قاتىستى سۇراق قويدى. تىلشىلەردىڭ ءبىرىنىڭ ايتۋىنشا الماتى قالاسىنىڭ ءماسليحاتى ونلاين-ترانسلياتسيا جۇرگىزبەيدى, سەسسيالارعا جۋرناليستەردى كىرگىزبەيدى.
"مەن بۇل ماسەلەمەن تانىسپىن. وسىعان بايلانىستى مەن دە الماتى قالاسىنىڭ اكىمدىگىنىڭ اپپاراتىنا جۇگىنگىم كەلەدى. البەتتە بۇعان جول بەرىلمەۋى ءتيىس. سەبەبى ءدال قازىرگى ۋاقىت اشىقتىق پەن كونسترۋكتيۆتى ديالوگتى تالاپ ەتەدى", دەدى ول.
