ۇكىمەت • 23 قازان، 2020

ەلەكتروموبيل شىعارۋ جولعا قويىلادى

16 رەت كورسەتىلدى

پرەمەر-مينيستر اسقار مامين ۇلتتىق اۆتوموبيل پاۆيلونىندا بولىپ، وندا قازاقستاندا شىعارۋ جوسپارلانعان ەلەكتر اۆتوموبيلدەرىنىڭ مودەلدەرىمەن تانىستى، دەپ حابارلادى ۇكىمەت باسشىسىنىڭ ءباسپاسوز قىزمەتى.

قازاقستاندىق ەلەكتروكارلار اۆتوونەركاسىبىنىڭ جاي-كۇيى مەن دامۋ پەرسپەكتيۆاسى جانە «جاسىل ەكونوميكا» ءۇشىن اۆتوموبيل ەكولوگيالىق حابىن قالىپتاستىرۋ جونىندەگى شارالار تۋرالى «قازاقستاندىق اۆتوبيزنەس قاۋىمداستىعى» زاڭدى تۇلعالار بىرلەستىگىنىڭ پرەزيدەنتى ا.لاۆرەنتەۆ پەن JAC Motors كومپانياسى باس ديرەكتورىنىڭ ورىنباسارى يۋي يان، «قازاقستاننىڭ ونەركاسىپ قورى» اق باسقارما توراعاسى ن.بايبازاروۆ جانە «وكم وپەرا­تورى» جشس باس ديرەكتورى م.قۇ­مار­عاليەۆ باياندادى.

2021 جىلى قازاقستاندا اۆتو­بۋستاردى قوسا العاندا، ءتۇرلى ۇلگىدەگى 1200 بىرلىك ەلەكتر كولىگىن شىعارۋ جوسپارلانعان، 2022 جىلى بۇل كورسەتكىش 2000 بىرلىككە دەيىن جەتكىزىلەدى. بۇل كولىكتەر ىشكى نا­رىققا جانە شەتەلگە ەكسپورتقا شى­عارىلاتىن بولادى.

بۇگىنگى تاڭدا نۇر-سۇلتان قالا­سىندا ەلەكتروموبيلدەرگە ارنال­عان 50-دەن استام قۋاتتاندىرۋ ستان­ساسى جۇمىس ىستەيدى. بۇل ءتىزىمدى ۇلتتىق پاۆيلون اۋماعىندا ور­نا­تىلعان ارنايى ايماقتار تولىق­تىردى، ولار ءبىر مەزگىلدە 25 ەلەك­ترو­مو­بيلدى قۋاتتاندىرۋعا مۇمكىندىك بە­رەدى. ۇكىمەت باسشىسىنا JAC IEVS4 جانە JAC IEV7S ەلەكترو­مو­بيل­­دەرىنىڭ مودەلدەرى، سونداي-اق تو­لىق ولشەمدى NIO ES6 جانە NIO ES8 كروس­سوۆەرلەرىنىڭ ۇلگىسى كور­سەتىلدى.

ءىس-شاراعا پرەمەر-ءمينيستردىڭ ورىنباسارى ر.سكليار، يندۋستريا جانە ينفراقۇرىلىمدىق دامۋ ءمينيسترى ب.اتامقۇلوۆ جانە ت.ب. قاتىستى.

 

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار