اتالعان شارانىڭ باستى ماقساتى – ءبىر كۇندى ينتەرنەتسىز ومىرگە ارناپ, ۋاقىتتى ءتيىمدى وتكىزۋ. سونىمەن بىرگە ۇيىمداستىرۋشىلار تابيعات اياسىندا ويىندار ويناپ, جاسوسپىرىمدەرگە ادامدارمەن قارىم-قاتىناس مادەنيەتىن قالىپتاستىرۋ جانە جاستاردىڭ ساناسىن پايدالى باعىتقا قاراي وزگەرتۋدى كوزدەيدى.
ءىس-شارا رەسپۋبليكانىڭ بارلىق وڭىرىندە ءبىر كۇندە ءوتتى جانە بارلىق قاتىسۋشى شارانىڭ سوڭىنا دەيىن ۇيالى تەلەفوندارىنان, الەۋمەتتىك جەلىلەردەن باس تارتىپ, ءبىر كۇندى تولىعىمەن ينتەرنەتسىز وتكىزدى.
قاتىسۋشىلار ساپالى ۋاقىت وتكىزۋ ءۇشىن تابيعات اياسىنا شىقتى. بارلىعى قىزىق ويىندار ويناپ, جىلىجايلاردا باقشا داقىلدارىن ەگىپ, ءارتۇرلى سۋرەتتەر سالىپ, ءۇي كينوتەاترىن ۇيىمداستىرۋ سەكىلدى جۇمىستارمەن اينالىستى. سونداي-اق شارا بارىسىندا قارت ادامدارعا كومەك كورسەتىپ, قايىرىمدى ءىس جاسادى.
اكتسيا اياقتالعاننان كەيىن قاتىسۋشىلار «وففلاين ءومىر» مارافونىنا قاتىسا الادى. 21 كۇنگە سوزىلاتىن «وففلاين ءومىر» مارافونىندا ەلىمىزدىڭ بەدەلدى تۇلعالارى قاتىسۋشىلارعا وزدەرىنىڭ ارنايى تاپسىرمالارىن بەرەدى جانە مارافون سوڭىندا ۇزدىكتەرگە باعالى سىيلىقتار تابىستالادى.
«وففلاين كۇن» اكتسياسى «جاستار مەن بالالار اراسىندا ينتەرنەتكە تاۋەلدىلىكتىڭ الدىن الۋ بويىنشا ءىس-شارالار كەشەنىن ىسكە اسىرۋ, سونداي-اق ازاماتتاردىڭ تسيفرلىق بەدەلىن قورعاۋ» تاقىرىبىندا «ReStart» جوباسى اياسىندا اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» كەاق گرانتتىق قارجىلاندىرۋى اياسىندا وتكىزىلدى.
جاستار ۇيىمى مارافونمەن شەكتەلىپ قالماي, ينتەرنەت تاۋەلدىلىكتىڭ زيانىن جەتكىزۋ ءۇشىن ارنايى فوتوكورمە ۇيىمداستىرىلىپ وتىر. شارا 14-23 قازان ارالىعىندا رەسپۋبليكانىڭ 17 ايماعىندا وتەدى.
ء«ىس-شارانىڭ نەگىزگى ماقساتى – قوعامعا ينتەرنەتكە تاۋەلدىلىكتىڭ زيانىن كورسەتۋ جانە ينتەرنەتكە تاۋەلدىلىكتىڭ الدىن الىپ, فوتوسۋرەتتەر ارقىلى ادامداردىڭ ساناسىن پايدالى جاققا قاراي وزگەرتۋ. وعان قوسا عالامتور مادەنيەتىن ءتۇسىندىرۋدى دە جولعا قويىپ وتىرمىز», دەيدى ۇيىمداستىرۋشىلار.
فوتوكورمەدە بيىل 1 قىركۇيەكتە جاريالانعان بايقاۋدا ۇزدىك دەپ تانىلعان سۋرەتتەر قولدانىلادى. فوتوكورمە سۋرەتتەرىن @restart_social پاراقشاسىنان كورۋگە بولادى.
