ايماقتار • 23 قازان، 2020

تۇراقتاندىرۋ قورىنىڭ ءونىمى جەتكىلىكتى

42 رەت كورسەتىلدى

وڭىردە كارتوپ مول، كوكونىس باعاسى ارزان. ويتكەنى جىل سايىن پاۆلودارلىق شارۋاشىلىقتار كارتوپ، ءسابىز، پياز، قىرىققاباتتى وزدەرى ءوسىرىپ، كۇزدە مولىنان جيناپ الادى. قاربىزدى دا ەكتى. بيدايى دا، قاراقۇمىعى دا جەتكىلىكتى.

 

وتكەن اپتادان باستاپ الەۋ­مەتتىك جارمەڭكە قايتادان جال­عاستى. فەرمەرلەر 190 توننادان اسا ءونىم اكەلگەن. سيىر ەتىنىڭ كيلوسى 1 200-دەن 1 500 تەڭگەگە دەيىن، قوي ەتى – 1 300-1 500، جىلقى ەتى 1 500-1 800، كارتوپ كيلوسىنا 65 تەڭگەنى قۇرادى. ءىرى ءسۇت فەرمالارى ءسۇتىنىڭ ءليترى – 130 تەڭگەدەن. اققۋلى قاربىزىنىڭ كيلوسى 100 تەڭگەدەن ساتىلدى.

بۇعان دەيىن تۇرعىندار اسىعا كۇتەتىن ءار سەنبى سايىن وتەتىن الەۋمەتتىك اۋىلشارۋاشىلىق جار­­­­مەڭكەسى ىندەتتىڭ تارالۋى كە­زىندە توقتاپ قالعان بولاتىن. وب­لىس­تىڭ بارلىق اۋداندارىنىڭ فەرمەرلەرى ءوز ونىمدەرىن «كۆازار» ساۋدا ۇيىنە قاراما-قار­سى تۇرعان كەڭ الاڭعا اكەلەدى.

ءتىپتى قالالىقتار جارمەڭ­كەنىڭ اشىلۋىن تاڭعى ساعات 6-دان باستاپ كۇتكەن ەكەن. جار­مەڭ­كەدە تومەن باعامەن ەت، شۇ­جىق، ىرىمشىك، ءسۇت، سۇزبە، جۇ­مىرت­قا، ماي، بال، كوك­و­نىس­تەر جانە باسقا دا ونىمدەر سا­تىپ الۋ مۇم­كىندىگىنە يە.

ال وبلىستىق كاسىپكەرلىك جانە ساۋدا باسقارماسىنىڭ ما­لى­مەتىنشە، وسى كۇندەرى وڭىردەگى بارلىق الەۋمەتتىك دۇكەنگە 115 اۋىل شارۋاشىلىعى وندىرۋ­شىلەرى الەۋمەتتىك ماڭىزى بار ازىق-ت ۇلىك تاۋارلارىن جەتكىزۋدە.

وندىرۋشىلەر جەتكىزەتىن ازىق-ت ۇلىك تاۋارلارى، كوكونىستەر، كارتوپتىڭ باعالارى نارىقتاعى باعادان 10-15 پايىزعا ارزان. وب­لىس اكىمدىگىندە وڭىردەگى ءىرى كار­توپ وسىرۋشىلەرمەن مەموراندۋم جاسالدى. ەندى فەر­مەر­لەر كار­توپتىڭ 15 پايىزىن بەل­گىلەنگەن باعامەن ءوڭىر تۇر­عىندارىنىڭ ال­داعى قىس پەن كوك­تەمدەگى قاجەت­تىلىكتەرى ءۇشىن ساقتايدى.

اۋىلشارۋاشىلىق باسقارما­سىنىڭ مالىمەتىنشە، وتكەن جىلى وڭىردە 512 مىڭ توننا كارتوپ الىنسا، قازىرگى ءونىم مولىراق، 564 مىڭ تونناعا جەتكەن. بۇل ءوڭىردىڭ ونىمگە دەگەن قاجەتتىلىگىنەن ەداۋىر اسىپ تۇسەدى.

ەكىنشىدەن، وڭىردەگى اۋىل شا­رۋاشىلىعى تاۋارلارىن ءون­دىرۋشى سەرىكتەستىكتەرمەن، شا­عىن شارۋا قوجالىقتارىمەن «ون­دىرۋشىدەن سورەگە دەيىن» قا­عيداتىنا سايكەس بىرنەشە مە­موراندۋم دا جاسالدى. مە­موراندۋم بارىسىندا ازىق-ت ۇلىك تاۋارلارىنىڭ 16 تۇ­رىنە ءبىرىنشى سۇرىپتى ۇن، كۇرىش، قارا­قۇمىق، كەسپە، سارىماي، نان، ايران، ءسۇت، سۇزبە، تاۋىق ەتى، ءبى­رىن­شى ساناتتى جۇمىرتقا، تۇز، كار­توپ، پياز، ءسابىز، قىرىققابات ەن­گەن. ياعني مە­موراندۋمدا بە­كى­تىلگەن وسى ازىق-ت ۇلىك دەل­دال­سىز وندىرۋشىدەن تىكە­لەي سو­رەگە جەتكىزىلەدى.

باسقارمانىڭ مالىمەتىنشە، قازىر وبلىستا ازىق-ت ۇلىكتىڭ تۇ­راقتاندىرۋ قورىن تولىقتىرۋ بەلسەندى جۇرگىزىلۋدە. جىل با­سىنان بەرى تۇراقتاندىرۋ قو­رىنا 5،3 مىڭ توننا ءونىم ساتىپ الىندى. بۇگىندە ونىمدەردىڭ 4،4 مىڭ توننادان استامى ساتىل­دى. تۇ­راقتاندىرۋ قورىن قالىپ­تاستىرۋ جۇيەسى ۇزدىكسىز جۇر­گىزىلەدى. قاراشا ايىنىڭ سوڭىنا دەيىن قوردىڭ كولەمىن 4 مىڭ تون­ناعا دەيىن جەتكىزۋ جوسپارلانىپ وتىر.

ال تۇراقتاندىرۋ قورىنىڭ ونىمدەرى 176 الەۋمەتتىك دۇكەندە ساتىلادى. مىسالى، وبلىس بويىن­شا iNMart جەلىسىنىڭ بارلىق 24 سۋپەرماركەتىندە الەۋمەتتىك ما­ڭىزى بار ازىق-ت ۇلىك تاۋارلا­رىنىڭ 16 ءتۇرىنىڭ باعاسىن كوتەر­مەۋ مىندەتتەلدى.

ازىق-ت ۇلىك باعالارىن تۇراقتى ۇستاپ تۇرۋ تۋرالى «پاۆلودار» الەۋمەتتىك-كاسىپكەرلىك كورپوراتسياسى مەن «نيزكوتسەن» جشس (iNMart ساۋ­دا جەلىسى) اراسىندا كەلىسىم جا­سالعان.

– وسى ماقساتتى جۇزەگە اسى­رۋ ءۇشىن كومپانيانىڭ ساۋ­دا اينالىمىنا 50 ملن تەڭگە ءبولۋ قاراستىرىلعان. بۇعان دەيىن دە «قىزىلجار قۇس» جشس تا­ۋىق ەتىن دۇكەندەرگە تۇراق­تى با­عامەن جەتكىزۋگە مىن­­دەت­تە­لىپ، سول ءۇشىن 150 ملن تەڭگە بو­لىن­گەن بولاتىن، – دەيدى باس­قارما وكىلدەرى.

ال 21 قازانداعى ستاتيستيكا­لىق دەرەكتەرگە سايكەس، وبلىسىمىزدا 13 ءتۇرلى الەۋمەتتىك ما­ڭىزدى ازىق-ت ۇلىك ءونىمىنىڭ قۇنى رەسپۋب­ليكا بويىنشا قا­­لىپ­تاسقان ورتاشا باعادان تومەن. ونىڭ ىشىندە ءبىرىنشى سۇ­رىپتى ۇن، پاستەرلەنگەن ءسۇت، ايران، سۇزبە، سارىماي، كارتوپ، ءسابىز، قا­راقۇمىق جارماسى، سيىر ەتى (جا­ۋىرىن-ءتوس بولىگى)، تاۋىق ەتىنىڭ بولىكتەرى، 1-ساناتتى جۇ­مىرت­قا، كۇنباعىس مايى، قۇم­شە­كەر با­عالارى تومەن ازىق-ت ۇلىك بەس­تىگىنە ەنگەن.

وڭىردە ازىق-ت ۇلىك باعالارى بويىنشا جاعداي وبلىستىق، قالالىق، اۋداندىق اكىمدىك تاراپىنان ۇنەمى باقىلاۋعا الىنعان. الەۋمەتتىك ماڭىزى بار ازىق-ت ۇلىك تاۋارلارىنىڭ قۇنىن كو­تەرۋ فاكتىلەرى انىق­تالعان جاع­داي­دا تۇرعىندار جەدەل جەلىگە حا­بارلاسۋعا بولادى.

 

پاۆلودار وبلىسى

 

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار