بۇگىن دەپارتامەنت باسشىسىنىڭ ورىنباسارى رايحان براتاەۆا Instagram جەلىسىندە مەملەكەتتىك قىزمەتكە ءتۇسۋ ماسەلەلەرى بويىنشا تىكەلەي ەفير وتكىزدى. ەفير بارىسىندا ازاماتتار ءجيى قوياتىن سۇراقتارعا ەرەكشە نازار اۋدارىلدى, «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭنىڭ, «ب» كورپۋسىنىڭ مەملەكەتتىك اكىمشىلىك لاۋازىمىنا ورنالاسۋعا كونكۋرس وتكىزۋ قاعيدالارىنىڭ» تالاپتارى بويىنشا تولىعىراق تۇسىنىكتەمە بەرىلدى.
ر.براتاەۆا كانديداتتاردىڭ قۇقىقتارى تۋرالى, سونداي-اق قۇجات تاپسىرعان كانديداتتاردى اڭگىمەلەسۋگە وتكىزبەيتىن جاعدايلار جونىندە اقپاراتپەن ءبولىستى. مىسالى, تالاپ ەتىلەتىن قۇجاتتاردىڭ تولىق ۇسىنىلماۋى, نە بولماسا قۇجاتتاردا كورسەتىلگەن اقپاراتتىڭ دۇرىس بولماۋى نەمەسە قۇجاتتاردىڭ تالاپتارعا ساي بولماۋى مەملەكەتتىك ورگاننىڭ پەرسونالدى باسقارۋ قىزمەتىنىڭ ولاردى قاراۋدان باس تارتۋىنا نەگىز بولا الادى.
سپيكەردىڭ ايتۋىنشا, بۇگىنگى تاڭدا كونكۋرستىق راسىمدەردىڭ اشىقتىعى زاڭنامالىق دەڭگەيدە قامتاماسىز ەتىلگەن, بۇل ازاماتتاردىڭ مەملەكەتتىك قىزمەتكە قول جەتكىزۋدەگى تەڭدىگىنىڭ كەپىلى بولىپ تابىلادى. سونداي-اق, ر.براتاەۆا زاڭنىڭ 16-بابىندا مەملەكەتتىك قىزمەتتە بولۋعا بايلانىستى شەكتەۋلەر كوزدەلگەنىن اتاپ ءوتتى.
تىكەلەي ەفيردە تۇسىندىرمە اقپاراتپەن 570 قاتىسۋشى تانىستى. دەپارتامەنت ونلاين رەجىمدە ءتۇسىندىرۋ ءىس-شارالارىن تۇراقتى نەگىزدە وتكىزەدى.
مەملەكەتتىك قىزمەتكە كىرۋ بويىنشا قوسىمشا سۇراقتار تۋىنداعان جاعدايدا 51 81 32 تەلەفونى ارقىلى حابارلاسۋعا نەمەسە كوكشەتاۋ قالاسى, اباي كوشەسى, 87 عيمارات, 3 قابات مەكەنجايى بويىنشا جۇگىنۋگە بولادى.
