يسپان تاراپىنىڭ باستاماسى بويىنشا قازاقستان رەسپۋبليكاسىنىڭ سىرتقى ىستەر ءمينيسترى مۇحتار تىلەۋبەردى يسپانيا كورولدىگىنىڭ سىرتقى ىستەر, ەۋروپالىق وداق جانە ىنتىماقتاستىق ءمينيسترى ارانچا گونسالەس لايامەن تەلەفون ارقىلى سويلەستى.
اڭگىمە بارىسىندا تاراپتار ساياسي بايلانىستاردى جانداندىرۋعا, ەكى ەل اراسىنداعى ساۋدا-ينۆەستيتسيالىق جانە مادەني-گۋمانيتارلىق بايلانىستاردى تەرەڭدەتۋگە نازار اۋدارا وتىرىپ, كەڭ اۋقىمدى ماسەلەلەردى قوزعادى, سونداي-اق حالىقارالىق ۇيىمدار شەڭبەرىندەگى ءوزارا ىقپالداستىقتى ودان ءارى دامىتۋ بولاشاعىن تالقىلادى.
