ساياسات • 22 قازان، 2020

قازاقستان مەن رەسەي ديپلوماتيالىق قاتىناستار ورناتىلعان كۇندى اتاپ وتۋدە

19 رەت كورسەتىلدى

بۇگىن ەلدەرىمىز اراسىنداعى ديپلوماتيالىق قارىم-قاتىناستاردىڭ ورناعانىنا 28 جىل تولادى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

وتكەن ۋاقىت ىشىندە قازاقستان مەن رەسەي حالىقتارىن بايلانىستىراتىن دوستىق پەن ءوزارا سىيلاستىقتىڭ يگى داستۇرلەرىنە سۇيەنە وتىرىپ، ەكىجاقتى قاتىناستار ستراتەگيالىق ارىپتەستىك پەن وداقتاستىقتىڭ جوعارى دەڭگەيىنە شىقتى.

قازىرگى كەزەڭدە ستراتەگيالىق ارىپتەستىكتىڭ نەگىزى 2013 جىلعى 11 قاراشاداعى XXI عاسىرداعى تاتۋ كورشىلىك جانە وداقتاستىق تۋرالى شارت بولىپ تابىلادى. ساۋدا-ەكونوميكالىق، عىلىمي-تەحنيكالىق، مادەني، گۋمانيتارلىق جانە باسقا دا سالالارداعى ساياسي ديالوگ پەن جەمىستى ىنتىماقتاستىق سەرپىندى دامۋدا.

ەۋرازيالىق ەكونوميكالىق وداق، ۇقشۇ، تمد، شىۇ، بۇۇ جانە باسقا دا كوپجاقتى قۇرىلىمدار شەڭبەرىندەگى ىنتىماقتاستىق سەنىم مەن ءوزارا تۇسىنىستىككە نەگىزدەلگەن نۇر-سۇلتان مەن ماسكەۋ اراسىنداعى ستراتەگيالىق ارىپتەستىكتى دامىتۋدىڭ ماڭىزدى ەلەمەنتى بولىپ تابىلادى.

قازاقستان مەن رەسەيدىڭ ستراتەگيالىق ارىپتەستىگىن نىعايتۋدا مەملەكەت، ۇكىمەت، مينيسترلىكتەر مەن ۆەدومستۆولار، ىسكەرلىك قۇرىلىمدار باسشىلارىنىڭ تۇراقتى كەزدەسۋلەرى مەن كەلىسسوزدەرى جەتەكشى ءرول اتقارادى.

رەسەي مەن قازاقستان اراسىنداعى قاتىناستاردىڭ بۇكىل كەشەنىن، حالىقارالىق كۇن ءتارتىبىنىڭ وزەكتى ماسەلەلەرىن شەشۋدەگى سىندارلى ءوزارا ءىس-قيمىلدى ودان ءارى ورىستەتۋ ەكى ەل حالىقتارىنىڭ تۇپكى مۇددەلەرىنە ساي كەلەتىنى ءسوزسىز.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار