پرەزيدەنت • 22 قازان، 2020

مەملەكەت باسشىسى تۇركىستان وبلىسىنىڭ اكىمىن قابىلدادى

55 رەت كورسەتىلدى

مەملەكەت باسشىسى تۇركىستان وبلىسىنىڭ اكىمى ومىرزاق شوكەەۆتى قابىلدادى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

قازاقستان پرەزيدەنتىنە وبلىستىڭ 9 ايداعى الەۋمەتتىك-ەكونوميكالىق دامۋ قورىتىندىلارى تۋرالى ەسەپ بەرىلدى.

وبلىس اكىمىنىڭ ايتۋىنشا، ەكونوميكاداعى ءوسىم 105 پايىزدى قۇرادى. ونەركاسىپ جانە اۋىل شارۋاشىلىعى سالالارىندا دا وڭ كورسەتكىشتەر بايقالادى. وڭىرگە تارتىلعان ينۆەستيتسيا كولەمى وتكەن جىلعى وسى مەرزىممەن سالىستىرعاندا 66 پايىزعا جەتىپ، قۇرىلىس قارقىنى 65 پايىزعا ارتقان.

ومىرزاق شوكەەۆ قاسىم-جومارت توقاەۆقا اگروونەركاسىپ كەشەنىندەگى بىرقاتار جوبانىڭ ىسكە اسىرىلۋ بارىسى، سونىڭ ىشىندە، جاڭبىرلاتىپ سۋارۋ تەحنولوگياسىن ەنگىزۋ جونىندە باياندادى.

سونىمەن قاتار وبلىس اكىمى بوگەتتىڭ بۇزىلۋىنان كەيىنگى ماقتاارال اۋدانىنداعى توتەنشە جاعداي سالدارىن جويۋ جونىندەگى پرەزيدەنتتىڭ بەرگەن تاپسىرمالارىنىڭ ورىندالۋ بارىسى تۋرالى ايتتى. وبلىس اكىمىنىڭ مالىمەتى بويىنشا، مىرزاكەنت اۋىلىندا 386 تۇرعىن ءۇي پايدالانۋعا بەرىلگەن. بۇل ۇيلەردىڭ جارتىسى بيۋدجەت ەسەبىنەن، قالعانى دەمەۋشىلەردىڭ قاراجاتىنا سالىندى.

كەزدەسۋ قورىتىندىسى بويىنشا مەملەكەت باسشىسى تۇركىستان وبلىسى باسشىلىعىنىڭ جۇمىسىنا وڭ باعا بەردى. پرەزيدەنت وبلىستاعى ەپيدەميولوگيالىق احۋالدى باقىلاۋدى تاپسىردى. سونداي-اق قاسىم-جومارت توقاەۆ سايلاۋالدى ناۋقاننىڭ اشىق ءارى زاڭدى تۇردە جۇرگىزىلۋىن قامتاماسىز ەتۋ قاجەتتىگىن اتاپ ءوتتى.  

سوڭعى جاڭالىقتار

ارالدا توتەنشە جاعداي جاريالانادى

ەكولوگيا • 18 ماۋسىم، 2021

ۇقساس جاڭالىقتار