مەملەكەتتەر باسشىلارى قازاقستان رەسپۋبليكاسى مەن كورەيا رەسپۋبليكاسى اراسىنداعى ستراتەگيالىق سەرىكتەستىكتىڭ قازىرگى جاعدايى مەن ونى نىعايتۋدىڭ پەرسپەكتيۆالارىن تالقىلادى.
قاسىم-جومارت توقاەۆ پەن مۋن چجە ين وڭتۇستىك كورەيا باسشىسىنىڭ 2019 جىلى ساۋىردە ەلىمىزگە جاساعان مەملەكەتتىك ساپارى اياسىندا بەكىتىلگەن ۋاعدالاستىقتاردىڭ ناتيجەسىندە قول جەتكىزىلگەن تابىستى ەكونوميكالىق ىنتىماقتاستىققا جوعارى باعا بەردى.
پرەزيدەنت مۋن چجە ين الماتى قالاسىندا «Hyundai» جەڭىل اۆتوكولىكتەرىن شىعاراتىن زاۋىتتىڭ اشىلعانىن ەرەكشە اتاپ ءوتتى.
مەملەكەت باسشىسى قاسىم-جومارت توقاەۆ پاندەميا سالدارىنا قاراماستان تاۋار اينالىمىنىڭ جوعارى قارقىنىنا كوڭىلى تولاتىنىن ءبىلدىردى.
ەكى ەل پرەزيدەنتتەرى حالىقارالىق ۇيىمداردىڭ, اتاپ ايتقاندا دۇنيەجۇزىلىك ساۋدا ۇيىمى مەن ماگاتە اياسىندا ەكى ەل ىنتىماقتاستىعىنىڭ نىعايا تۇسكەنىن ايتتى.
اڭگىمەلەسۋ بارىسىندا كوروناۆيرۋس پاندەمياسىنا قارسى كۇرەستەگى تابىستى ىنتىماقتاستىق ماسەلەلەرى دە تالقىلاندى.
پرەزيدەنت مۋن چجە ين قاسىم-جومارت توقاەۆتى كورەيا رەسپۋبليكاسىنا كەلەسى جىلى ساپارمەن كەلۋگە شاقىرعانىن ناقتىلادى.
