"كۋرچاتوۆتاعى ارىپتەستەرىمىز وقيعا تۋرالى حاباردار ەتتى, ءبىز ءمان-جايىن ءبىلۋ ءۇشىن دەرەۋ سول جەرگە اتتاندىق. اۋىل اكىمى جۇمىس ۋاقىتىنان تىس ۋاقىتتا, ياعني سەنبىدە كەشكە قالا ىشىندە قىزمەتتىك كولىكتى ماس كۇيىندە جۇرگىزگەن", - دەدى پاۆلودار وبلىسىنىڭ ەتيكا جونىندەگى ۋاكىلى ديدار ىبىراەۆ.
مەديتسينالىق ساراپتاما كورسەتكەندەي, شەنەۋنىك قىزمەتتىك كولىكتى ورتاشا دەڭگەيدەگى ماس كۇيىندە باسقارعان.
"سوت قاۋلىسىمەن قۇقىق بۇزۋشى اكىمشىلىك كودەكستىڭ 608-بابى 1-بولىگى ("كولىك قۇرالىن ماساڭ كۇيدەگى ادامنىڭ باسقارۋى") بويىنشا اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ, 15 تاۋلىككە اكىمشىلىك قاماۋعا الۋ تۇرىندەگى اكىمشىلىك جازاعا تارتىلدى", - دەدى سوتتىڭ ءباسپاسوز قىزمەتى.
سونىمەن قاتار, سوت اكىمدى جەتى جىلعا كولىك جۇرگىزۋ كۋالىگىنەن ايىرعان.
