اگەنتتىك توراعاسى انار جايىلعانوۆا سەر چاكرابارتيدى اگەنتتىكتىڭ قۇرىلىمىمەن جانە ونىڭ ەلدىڭ مەملەكەتتىك باسقارۋ جۇيەسىندەگى رولىمەن تانىستىردى. مەملەكەت باسشىسى 2020 جىلعى 1 قىركۇيەكتەگى قازاقستان حالقىنا جولداۋىندا مەملەكەتتىك باسقارۋدىڭ جاڭا مودەلىن قۇرۋ ماسەلەلەرىنە ەرەكشە نازار اۋدارعان بولاتىن.
مەملەكەتتىك قىزمەت ىستەرى اگەنتتىگى قر پرەزيدەنتى ق.ك.توقاەۆتىڭ تاپسىرمالارىن ىسكە اسىرۋ اياسىندا «حالىق ۇنىنە قۇلاق اساتىن مەملەكەت» تۇجىرىمداماسى قاعيداتتارىنا ساي كەلەتىن تەحنولوگيالىق جانە تيىمدىلىگى جوعارى مەملەكەتتىك اپپاراتتى قالىپتاستىرۋ بويىنشا ءوز ۇستانىمىن ورتاعا سالدى.
كەزدەسۋدە تاۋەلسىزدىك جىلدارىنان بەرى تۇڭعىش پرەزيدەنت-ەلباسى ن.ءا. نازارباەۆتىڭ باسشىلىعىمەن ءوزىنىڭ تيىمدىلىگىن كورسەتكەن مەملەكەتتىك باسقارۋدىڭ جۇيەلەندىرىلگەن مودەلى قۇرىلعانى ايتىلدى.
سونداي-اق, اگەنتتىك توراعاسى ازىرلەنىپ جاتقان iQyzmet پلاتفورماسى بازاسىندا تسيفرلىق تەحنولوگيالاردى قولدانا وتىرىپ, جاڭا كوزقاراستار مەن تىڭ باستامالار بار كاسىبي كادرلاردىڭ جاڭا كلاستەرىن قالىپتاستىرۋ باعىتىندا بىرقاتار جوبالاردىڭ ىسكە اسىرىلىپ جاتقاندىعى تۋرالى ايتتى.
iQyzmet پلاتفورماسى ناقتى ۋاقىت رەجيمىندە مەملەكەتتىك قىزمەتتىڭ ساپالىق جانە ساندىق سيپاتتامالارىنا تالداۋ جۇرگىزۋگە مۇمكىندىك بەرەدى جانە ستراتەگيالىق كادرلىق جوسپارلاۋدى ىسكە اسىرۋ بويىنشا مۇمكىندىكتەردى ەلەۋلى تۇردە ۇلعايتادى.
ءوز كەزەگىندە سەر چاكرابارتي اگەنتتىك باسشىلىعىنىڭ اشىقتىعى, ۇزاق مەرزىمدى جانە سىندارلى ىنتىماقتاستىققا, سونداي-اق مەملەكەتتىك باسقارۋ سالاسىنداعى جۇيەلى مىندەتتەردى بىرلەسىپ ىسكە اسىرۋعا نيەت بىلدىرگەنى ءۇشىن العىسىن ءبىلدىردى.
